Masandro

El Vikipedio, la libera enciklopedio
Saltu al: navigado, serĉo
Urbotipa loĝloko en Aŭtonoma Respubliko Krimeo
Masandro
rus. Массандра
ukr. Масандра
krim. Massandra
Sin escudo.png
Apartenas al: Jalta municipo, Masandra komunumo
Koordinatoj: 44° 31′ N, 34° 11′ O44.51666666666734.183333333333Koordinatoj: 44° 31′ N, 34° 11′ O
Averaĝa alto super la marnivelo: ~300 m
Loĝantaro: 7358 (laŭ 2001)
Poŝtkodoj: 98650-98651
Telefonkodo: +380-654
Hor-zono: UTC+3

Oficiala paĝaro nekonata

Masandro (Krimeo)
DMS
Masandro
Masandro
Situo de Masandro sur la mapo de Krimeo
Masandro (Jalto)
DMS
Masandro
Masandro
Situo de Masandro sur la mapo de la Jalta municipo (la Masandra komunumo estas prezentita per aparta koloro)

Masandro (rus. Массандра, ukr. Масандра, krim. Massandra) estas urbotipa loĝloko de la Jalta municipo de Aŭtonoma Respubliko Krimeo. Malgraŭ tio, ke administre la loĝloko estas memstara (kaj eĉ formas propran komunumon), ĝi situas tuj ĉe Jalto kaj praktike estas konsiderata kiel ĝia orienta antaŭurbo. Masandro havas la statuson de urbotipa loĝloko ekde la jaro 1941 kaj estas populara turisma loko pro siaj vidindaĵoj.

En la loĝloko loĝas pli ol 7 mil homoj (ĉefe rusoj kaj ukrainoj). Sur la teritorio de la Masandra komunumo plene aŭ parte troviĝas tri natur-rezervejoj: "Kabo Martjano", la Jalta montar-arbara natura rezervejo kaj la Krimea naturrezervejo. La suma areo de la Masandra komunumo estas 6850 hektaroj.

Ekonomio[redakti | redakti fonton]

La ĉefa branĉo de la ekonomio estas ripoza kaj ekskursa industrio. Grandan rolon havas ankaŭ la vinfarejo "Masandro".

En la loĝloko estas teknika lernejo, 2 infan-ĝardenoj, lernejo kaj muzik-lernejo.

Masandro estas ligita al la centro de Jalto buse kaj trolebuse.

Vidindaĵoj[redakti | redakti fonton]

La plej fama vidindaĵo de Masandro estas la palaco de Aleksandro la Tria. Dum sovetia tempo la palaco estis uzata kiel somer-domo de plej altrangaj potenculoj de Sovetio; nun en ĝi funkcias muzeo.

Alia fama vizitindaĵo de la loĝloko estas la vinfarejo "Masandro". Oni konstruis ĝin dum la jaroj 1894-1897 laŭ la ordono de princo L. Golicin. En la jaro 1936 surbaze de tiu vin-produktejo estis fondita la kombinato "Masandro", kiu konsistas el kelkaj filioj, dise situantaj sur la Suda Bordo de Krimeo (en Masandro troviĝas la ĉef-uzino, kiu produktas la plej bonajn vinojn). La vinfarejo produktas tre altkvalitajn vinojn kaj estas la plej multe premiita vinfarejo en la mondo (sume diversaj vinoj de la vinfarejo ricevis 226 orajn kaj arĝentajn medalojn, 7 "Grandajn Premiojn" kaj 5 "Super Grandajn Premiojn"). En la vinfarejo estas organizataj ekskursoj kaj vin-gustumadoj.

Ankoraŭ unu vidindaĵo de Masandro estas ĝia granda parko (la t.n. Masandra parko). Ĝi estis fondita en la unua kvarono de la XIXa jarcento kaj kovras la areon de 42 hektaroj; la kvanto de arbo- kaj arbusto-specioj estas ĉ. 250. La parko estas tre bela, sed lastatempe, bedaŭrinde, preskaŭ ne prizorgata; ĝi tamen estas ŝatata ripoz-loko por multaj jaltanoj.

Vidu ankaŭ[redakti | redakti fonton]

Eksteraj ligvoj[redakti | redakti fonton]


La loĝlokoj de la Jalta municipo

Urboj AlupkoJalto
Urbotipaj loĝlokoj BeregovoForosoGasproGolubozalivoGurzufoKaciveloKoreizo (kun Misĥoro)KrasnokamenkoKurpatoLivadioMasandroNikitoOreandoOtradnoParkovoPonizovkoSanatornoSimeizoSovetskoVinogradnoVosĥodo
Vilaĝoj: Opolznevoje
Loĝloketoj GornojeDanilovkaKujbiŝevoLinejnojeOlivaOĥotniĉjePartizanskojeVisokogornoje


Blazono de Aŭtonoma Respubliko Krimeo La loĝlokoj de Krimeo Standardo de Aŭtonoma Respubliko Krimeo
Urboj:

Alupko | Aluŝto | Armjansko | Baĥĉisarajo | Belogorsko | Ĝankojo | Eŭpatorio | Inkermano | Jalto | Kerĉo | Krasnoperekopsko | Sako | Sebastopolo | Simferopolo | Starokrimo | Sudako | Ŝĉolkino | Teodozio
(inkluzive la urbojn de la Sebastopola municipo)
La iama urbo Balaklavo nun administre estas parto de Sebastopolo

Urbo-tipaj loĝlokoj:

AeroflotskoAgrarnoAzovskoBagerovoBeregovoĈernomorskoForosoGasproGvardejskoGolubozalivoGresovskoGurzufoKaciveloKaĉoKirovskoKoktebeloKomsomolskoKoreizoKrasnogvardejskoKrasnokamenkoKujbiŝevoKurortnoKurpatoLeninoLivadioMasandroMirnoMolodeĵnoNauĉnoNiĵnegorskoNikitoNikolajevkoNovofedorovkoNovoozernoNovoselovskoNovosvetoOktjabrskoOrĝonikidzoOreandoOtradnoParkovoPartenitoPervomajskoPonizovkoPoŝtovoPrimorskoRazdolnoSanatornoSimeizoSovetsko (Jalta municipo)Sovetsko (Sovetska distrikto)ŜĉebetovkoVinogradnoVolnoVosĥodoZaozernoZujo
(inkluzive la loĝlokojn de la Sebastopola municipo)