Andra-Pradeŝo
| ఆంధ్ర ప్రదేశ్ Andra-Pradeŝo |
|
| Ŝtata aranĝo | Federacia ŝtato de Barato |
| Ĉefurbo | Hajderabado |
| Areo | 275.068 km² |
| Loĝantaro | 75,7 milionoj (en 2001) |
| Loĝdenso | 275/km² |
| Analfabetismo | 39% |
| Loka lingvo | telugua lingvo, urdua lingvo |
| Horzono | UTC +5:30 |
.svg) |
|
Andra-Pradeŝo estas federacia ŝtato en la orientborda parto de Barato. Ĝi estas la kvara plej granda ŝtato de Barato en areo kaj kvina plej granda laŭ loĝantaro. Norde situas la najbaraj barataj ŝtatoj Maharaŝtro, Ĉhatisgaro kaj Oriso, oriente la Bengala Golfo, sude la ŝtato Tamilnado kaj okcidente Karnatako. Andra-Pradeŝo fonidiĝis la 1-an de novembro 1956.
En la ŝtato kultiviĝas aparte multe da rizo, kaj tial ĝi kaj la ŝtato Okcidenta Bengalo nomatas la "rizbovlo de Barato". La ĉefurbo de Andhrapradeŝo estas Hajderabado.
Enhavo |
Geografio kaj klimato [redakti]
Andra-Pradeŝo dividiĝas en tri regionojn: Marborda Andrao, Rayalaseema kaj Telangana. Du grandaj riveroj, Godavari kaj Kriŝna, fluas tra la gubernio.
Andra-Pradeŝo havas 23 distriktojn: Adilabad, Anantapur, Chittoor, Kadapa, Orienta Godavari, Guntur, Hajderabado, Karimnagar, Khammam, Krishna, Kurnool, Mahbubnagar, Medak, Nalgond, Sri Potti Sreeramulu Nellore, Nizamabad, Prakasam, Rangareddy, Srikakulam, Visakhapatnam, Vizianagaram, Warangal kaj Okcidenta Godavari.
La ĉefurbo Hajderabado kunkune kun sia ĝemela urbo Sekunderabado, estas la plej granda urbo en la ŝtato. Visakhapatnam estas la ĉefa havenurbo kaj sume la dua plej granda urbo de la ŝtato, Vijayawada la tria plej granda urbo.
Demografio [redakti]
La telugua estas la oficiala lingvo de la ŝtato. 88,5% de la loĝantaroj parolas la teluguan. La telugua, kiu apartenas al la dravida lingvofamilio, estas la tria ĉefa lingvo en Barato. Aliaj gravaj lingvoj de Andra-Pradeŝo estas: la urdua (8,63%), la hindia (3,23%) kaj la tamila (1,01%). En novembro 2008, la barata registaro deklaris la teluguan klasika kaj praa lingvo.
Festivaloj [redakti]
- "Sankranthri" en januaro
- "Maha ŝivratri" en februaro/marto
- "Holi" en marto
- "Ugadi" (la telugua novjaro) en marto/aprilo
- "Sri Rama Navami" festata en marto/aprilo, 9 tagoj post "Ugadi"
- "Varalakŝmi Vratam" en aŭgusto
- "Vinayaka ĉaviti" en aŭgusto
- "Dasara" en septembro/oktobro
- "Deepavali" en oktobro/novembro, 20 tagoj post la festo "Dasara"
- "Eid-ul-Fitr", "Bakr-id", "Muharam"
- "Kristnasko" en decembro
Eksteraj ligiloj [redakti]
ficiala retejo de la registaro de Andra-Pradeŝo- oficiala retejo de la ŝtato Andra-Pradeŝo
- retejo de la leĝdona asembleo de Andra-Pradeŝo
- detala mapo en registara TTT-ejo de Barato
|
|
 |
|---|---|
| Federaciaj ŝtatoj: Andra-Pradeŝo | Arunaĉal-Pradeŝo | Asamo | Biharo | Ĉhatisgaro | Ĝamuo kaj Kaŝmiro | Ĝharkhando | Goao | Guĝaratio | Harjano | Himaĉal-Pradeŝo | Karnatako | Keralao | Madhja-Pradeŝo | Maharaŝtro | Manipuro | Meghalajo | Mizoramo | Nagalando | Okcident-Bengalo | Oriso | Panĝabo | Raĝastano | Sikimo | Tamilnado | Tripuro | Utarakando | Utar-Pradeŝo | |
| Asociaj teritorioj: Andamanoj | Ĉandigaro | Dadro kaj Nagar-Havelio | Damano kaj Diuo | Lakŝadivoj | Nikobaroj | Pondiĉero | |
| Teritorio de ĉefurbo: Delhio | |
