Lena Karpunina

El Vikipedio, la libera enciklopedio
Saltu al: navigado, serĉo
Lena Karpunina
348231619 fb35d2cabc.jpg
Lena Karpunina
Dato de naskiĝo 1963
Loko de naskiĝo Flago de Sovetunio Kaluga, Rusio
Dato de morto 4-a de novembro 2013[1]
Loko de morto Flago de Germanio Berlin, Germanio
Nacieco rusino
v  d  r
Information icon.svg

Lena KARPUNINA (naskiĝis en 1963 en Kaluga, Sovetunio, mortis la 4-an de novembro 2013[1] en Berlino, Germanio), estis rusdevena Esperanto-verkistino el Taĝikio (tiuepoke en Sovetunio), kiu plenkreskiĝis en ties ĉefurbo Duŝanbeo kaj poste translokiĝis al Germanio. De 2010 ĝis sia morto, ŝi estis membro de la Akademio de Esperanto, elektita ĉefe pro siaj meritoj en la literatura kampo.[2]

Vivo[redakti | redakti fonton]

Post diplomitiĝo ĉe Taĝika Ŝtata Politeknika Instituto en 1986 ŝi laboris en diversaj entreprenoj kiel inĝeniero-aŭtomobilisto. En 1988 ŝi lernis Esperanton. Ŝi multe vojaĝis al Esperanto-tendaroj, renkontiĝoj, kongresoj. De 1993 ŝi vivis en Berlino, kie ŝi depost 1997 studis interalie la germanan lingvistikon en Humboldt-Universitato.

Literatura verkado[redakti | redakti fonton]

Karpunina aperigis du librojn en Esperanto: la rakontaron "La Bato" en 2001 kaj la rakontaron "Neokazinta Amo" en 2007. Ambaŭ aperis en la Serio Stafeto. Multaj el ŝiaj rakontoj estis premiitaj en Belartaj Konkursoj de UEA kaj publikigitaj en diversaj Esperanto-revuoj. Ŝi kunlaboris kun la Esperanto-revuoj Monato, "REGO" kaj kelkaj aliaj. Ŝi estis membro de EVA kaj kontribuis al BA1 kaj BA3.

Literaturaj premioj[redakti | redakti fonton]

jaro kategorio premio verko
1997 Prozo 3-a premio Jaŝa
1998 Prozo Honora Mencio Miŝka Voropajev
1998 Prozo Honora Mencio Bela
1999 Prozo 3-a premio La ridinda letero
2001 Prozo 2-a premio La pluvo en Ĉenstoĥovo
2001 Prozo 3-a premio La demando de emancipiĝo
2001 Prozo Honora Mencio Mirt
2002 Prozo 2-a premio Pro savo de homo


Referencoj[redakti | redakti fonton]

Rete konsulteblaj verkoj[redakti | redakti fonton]

Eksteraj ligiloj[redakti | redakti fonton]