Naturprotektismo

El Vikipedio, la libera enciklopedio
Naturprotektismo
politika ideologiosocia movado
ekologioaktivismo
vdr
La fama fotaĵo de la Blua globeto, kiu helpis vigligi la publikon pri naturprotektismo.

Naturprotektismo estas ampleksa filozofio kaj socia movado, kiu centras je zorgo pri konservado kaj plibonigo de la naturmedio, ambaŭ pro ĝi mem kaj ankaŭ pro ĝia graveco al civilizo. Naturprotektistoj ofte parolas pri planedo aŭ loko, kiu frontas al multego da gravaj kaj urĝaj minacoj, ofte kunligitaj kun troega konsumado, ekonomia kreskado, materiismo, disnatura konstruado, kaj eksplodkreskanta homa loĝantaro. Eble la plej problemiga afero laŭ naturprotektismo estas la moderna vidpunkto, ke la homara destino ne estas ligita al tiu de la natura mondo, kaj ke nia respondeco al naturo estas - je plej bona takso - limigita al la satigo de malprofundaj deziroj.

Plurmaniere, naturprotektistoj kaj naturprotektismaj grupoj klopodas doni al la naturmedio pli fortan voĉon en homaj aferoj, kaj luktas por vidigi al registaroj, industrioj, kaj aliaj institucioj, ke ekologio gravas, kaj ke ili plie respektu naturon. Multaj naturprotektistoj vidas komunan kaŭzon kun indiĝenaj komunumoj kaj aliaj subpremitaj grupoj, kiuj luktas por protekti sian tradician vivmanieron aŭ liberecon de la blinda komerco kaj aliaj tutglobaj atakoj.

Rilate naturprotektadon, oni povas diri, ke naturprotektismo estus la politika aŭ socia sinteno favora al la naturprotektado, dum tiu lasta temas pri preciza agado favore la protektadon de la naturo.

Vidu ankaŭ[redakti | redakti fonton]