Nerja

Ĝemelurboj
	San Juan ; Pescia ; Oullins vd

Nerja
municipo en Hispanio vd
Flago	Blazono
Administrado
Ĝemelurboj
	San Juan ; Pescia ; Oullins vd
Poŝtkodo	29780
En TTT	Oficiala retejo [+]
Demografio
Loĝantaro	21 913 (2023) [+]
Loĝdenso	258 loĝ./km²
Geografio
Geografia situo	36° 45′ N, 3° 53′ U (mapo)36.7468571-3.8790195Koordinatoj: 36° 45′ N, 3° 53′ U (mapo) [+]
Alto	26 m [+]
Areo	85 km² (8 500 ha) [+]
Horzono	UTC+01:00 [+]
	Nerja (Malago)
	Situo de Nerja
	Nerja (Hispanio)
	Situo de Nerja
Alia projekto
	Vikimedia Komunejo Nerja [+]
	v • d • r

Reviziita versio de ĉi tiu paĝo, aprobita je 16 aŭg. 2022, estis bazita sur ĉi tiu versio.

Nerja [NERĥa] estas hispana municipo de la provinco Malago, regiono Andaluzio. Estas en la plej orienta pinto de la komarko Aĥarkia kaj la plej orienta pinto de la provinco Malago. Ĝia municipa teritorio okupas etendon de 85 km².

Ties ekonomio estas bazata sur la turismo kaj la agrikulturo. Nerja estas je ĉirkaŭ 52 km oriente de la urbo Malago, kaj je ĉirkaŭ 100 km de la urbo Granada kaj de la skiejo de Sierra Nevada.

Ĝi havas longan historion kiun montras la rokpentraĵoj trovitaj en la Kavo de Nerja, malkvorita en 1959, kiuj estas inter la plej antikvaj bildoj de rokarto en la historio de la homaro kun 42 000 jaroj de antikveco.^[1] Dum la islama regado, ĝia nomo estis Narixa [naRIĥa], kio signifas «abunda fonto» kaj tio estas la origino de la nuna nomo.

Ekde la 1960-aj jaroj Nerja estas turisma destino preferata apartenanta al la Costa del Sol. En 2010 ĝi havis oficialan loĝantaron de preskaŭ 22 000 loĝantoj, el kiuj unu triono de la eksterlandaj loĝantoj estas britoj (ĉirkaŭ tri mil).

Nerja posedas mildan klimaton la tutan jaron, kio ebligas la kultivon de tropikaj fruktoj kiel ĉerimolio, avokado aŭ mango.

Vidindaĵoj

Kavo de Nerja
Rigardejo Balkono de Eŭropo
Akvedukto de la Aglo
Strandoj kaj klifoj
Muzeo de Historio
Ŝipo de Chanquete [ĉanKEte]

En Nerja oni filmis inter aŭgusto 1979 kaj decembro 1980 la faman televidserion "Verano Azul" (Blua somero). La origina elsendo okazis en la unua kanalo de RTVE inter la 11a de oktobro 1981 kaj la 14a de februaro 1982. La rezulto de tiu serio, vidita de pli ol 20 milionoj da spektantoj kaj elsendita en landoj kiel Angolo, Alĝerio, Bulgario, Ĉeĥio, Kroatio, Slovakio, Francio, Pollando, Portugalio kaj tuta Latinameriko, igis la urbon tutmonde konata. La Ŝipo de Chanquete [ĉanKEte] estis simbolo de rezistado de knabaj kaj popularaj herooj kontraŭ maljusteco.