La Axarquía

El Vikipedio, la libera enciklopedio
(Alidirektita el Axarquía)
Salti al navigilo Salti al serĉilo
La Axarquía en la orienta parto de la provinco Malago.
Kastelo de Vélez-Málaga.
Municipa balotado en la Axarquía: sude blue sur la marbordo venkis la dekstruloj, norde ruĝe sur la interna montaro venkis la socialistoj.
Minareto de iama moskeo, nune preĝejo de Árchez.

La Axarquía [aĥarKIa] el kio ankaŭ Aĥarkio estas unu de la naŭ komarkoj de la provinco Malago, regiono Andaluzio, Hispanio. El geografia vidpunkto, la komarko, nomata ankaŭ Axarquía-Costa del Sol (Suna Marbordo), estas en la plej orienta parto de la provinco Malago. La Axarquía etendiĝas laŭ la marbordo kaj la interno. Ties marbordaj municipoj kunformas la Orientan Sunan Marbordon.

La historia ĉefurbo kaj plej grava urbo estas Vélez-Málaga. La lokanoj estas nomitaj axárquicos.

Limas norde kun la Komarko de Alhama, oriente kun la Komarko Granada Marbordo aŭ Tropika Marbordo, ambaŭ en la provinco Granado; sude kun la Mediteranea Maro, okcidente kun Malago, kaj nordokcidente kun la komarkoj de Antequera kaj Nororma.

Geografio[redakti | redakti fonton]

La montopinto La Maroma kun 2069 metroj estas la plej alta punkto de la komarko. Ĝi estas trapasata de la riveroj Vélez, Torrox, Algarrobo, Iznate, Seco, Huit, Higuerón, Chillar, Almáchar, de la Cueva, Benamargosa, Sábar, Alcaucín, Bermuza, Rubite, Maro, el kiuj ĉiuj estas de la Mediteranea Andaluza Akvokolekta Baseno. La liverado de akvo estas farata pere de la Akvorezevejo de La Viñuela.

La natura parko "Sierras de Tejeda, Almijara y Alhama", la natura loko de la Ravinoj Maro-Cerro Gordo kaj la natura parko Montoj de Malago estas en tiu komarko. Alfarnate estas la plej alta vilaĝo de la Axarquía situa je 886 metroj.

Municipoj[redakti | redakti fonton]

Kavo de Nerja.
Preĝejo de Sankta Johana Baptisto (Vélez-Málaga).
Preĝejo de Santa María la Mayor (Vélez-Málaga).

Kaj la provinca municiparo nome "Diputación Provincial de Málaga", kiu donis al la komarko la nomon "Axarquía-Costa del Sol", kaj la Junta de Andalucía, kiu simple donas al la komarcko la nomon "La Axarquía", enhavas precize la samajn municipojn ene de la komarko. Ja tiuj municipoj delonde kunhavis kulturon kaj kutimarojn. La Axarquía estas komponata de 31 municipoj, nome la jenaj:

# Nomo Loĝantaro
(2019)
Areo
(km²)
Denseco
1 Vélez-Málaga 81.643 157,9 517,1
2 Rincón de la Victoria 47.179 27,51 1715
3 Nerja 21.091 85 248,1
4 Torrox 17.234 51 337,9
5 Algarrobo 6.444 9,73 662,3
6 Cómpeta 3.922 54 72,6
7 Colmenar 3.376 66 51,1
8 Periana 3.048 58,76 51,9
9 Benamocarra 3011 6 501,8
10 Frigiliana 3.009 41 73,4
11 Riogordo 2.724 41 66,4
12 Alcaucín 2.230 45,1 49,4
13 La Viñuela 2.034 27,22 74,7
14 Almáchar 1.811 14,4 125,8
15 Sayalonga 1.681 18,3 91,9
16 Canillas de Aceituno 1.677 42 39,9
17 Benamargosa 1.514 12,12 124,9
18 Comares 1.315 25,5 51,6
19 Moclinejo 1.271 15 84,7
20 Arenas 1.156 26,3 43,9
21 Alfarnate 1.069 33,99 31,4
22 El Borge 930 24 38,7
23 Iznate 868 8 108,5
24 Totalán 746 9,21 81
25 Canillas de Albaida 716 33 21,7
26 Cútar 607 20 20,9
27 Sedella 606 31,62 19,2
28 Macharaviaya 480 7,24 66,3
29 Alfarnatejo 377 20,36 18,5
30 Árchez 385 4,8 80,2
31 Salares 169 10 16,9
Totalo Axarquía 214.323 1.026 208,9 -

Vidu ankaŭ[redakti | redakti fonton]