Ginko

El Vikipedio, la libera enciklopedio
Salti al navigilo Salti al serĉilo
Vikipedio:Kiel legi la taksonomionKiel legi la taksonomion
Ginko
Troveblo de fosilioj: ginko-fosilioj trovita Ĵuraso - Plioceno (vidu la suban foton)
Ginkgo-folioj
Ginkgo-folioj
Biologia klasado
Regno: plantoj Plantae
Klaso: ekvizetopsidoj Equisetopsida
Subklaso: ginkedoj Ginkgoidae [1]
Ordo: ginkaloj Ginkgoales
Familio: ginkacoj Ginkgoaceae
Genro: ginko Ginkgo
L. [2]
Konserva statuso
Status iucn3.1 EN eo.svg
Konserva statuso: En danĝero[3]

Ginkgo biloba L.

Aliaj Vikimediaj projektoj
Information icon.svg
vdr

La ginko[4] (latine Ginkgo) estas planta genro el la familio ginkacoj (Ginkgoaceae).

Ginko aperis en la permio. Tiam, pluraj specioj konsistigis tiun genron, sed nun pluvivas nur unu: la duloba ginko[5] (Ginkgo biloba)[2].

Tiu specio estas alta, decidua (falfolia), monoklina arbo. Ĝiaj folioj havas du lobojn (= biloba) kaj similas al mana ventumilo.

Ĝi estas endemia planto en Ĉinio, el kiu ĝi estis portita al Japanio kiel ornamplanto. Ĝi nature vivas nur en Ĉinio kie ĝi estas minacata specio. Tio signifas, ke ĝi estas en danĝero de malapero en la naturaj, endemiaj regionoj.

La polenaj floroj (viraj) aspektas amente (vidu la galerion). La stamenaj floroj (inaj) kun du prosemoj sidas sur pedunklo. La semoj havas neagrablan rancan odoron. La ekstera ŝelo estas suka, la interna kerno estas malmola.

En pluraj lokoj ginkoj estis plantitaj fare de E-o kluboj (ekzemple en Bersée), kiel "Esperanto-arbo", konjekteble ĉar onidire tiu estis la unua arbo, kiu reekkreskis en Hiroŝimo post ties neniigo.

Beletre, jen japana poemo de Yosano Akiko (1878-1942) pri ginko:

Super monteto
Pendas luno sinka
En lumo flirtas
Kvazaŭ birdeto ora
Folia fluo ginka


Galerio[redakti | redakti fonton]

Vidu ankaŭ[redakti | redakti fonton]

Eksteraj ligiloj[redakti | redakti fonton]

Referencoj[redakti | redakti fonton]