La 54-a Internacia Junulara Kongreso (IJK) de TEJO okazis dum somero 1998 en la urbo Rijeko de Kroatio, ekzakte jardekon post la lasta IJK en Kroatio, kiu en somero 1988 okazis en Zagrebo. La kongreson partoprenis 378 junaj esperantistoj - grandparte studentoj, lernejanoj kaj junaj laboristoj sub 30 jaroj. Kiel en aliaj junularaj Esperanto-kongresoj, okazis variaj prelegoj kaj diskutrondoj pri la kongresa temo, kulturaj eventoj kaj organizaj kunvenoj de TEJO, inter alie de ties komitato.
Kroatio
