IJK 2022

IJK 2022
Loko	Westelbeers, Nederlando
Ekde	20-a de aŭgusto 2022
Ĝis	27-a de aŭgusto 2022
Organizanto	Tutmonda Esperantista Junulara Organizo, Nederlanda Esperanto-Junularo
Oficiala retejo	ijk2022.tejo.org
← Antaŭa	Sekva →
	v • d • r

La 78-a Internacia Junulara Kongreso (IJK) de TEJO okazis de la 20-a de aŭgusto ĝis la 27-a de aŭgusto 2022 en la grupgastejo De Roerdomp en Westelbeers, Nederlando.^[1]

La kongreso estas kontinuaĵo de la planoj, kiujn la Nederlanda Esperanto-Junularo origine proponis por IJK 2019, kiuj estis akceptitaj por IJK 2020, sed devis esti nuligitaj pro la tiujara kronvirusa pandemio. En la sama jaro la 107-a Universala Kongreso de Esperanto okazis en Montrealo, Kanado.

Organiza teamo[redakti | redakti fonton]

Jen estas listo de organizantoj:^[2]

Rogier Huurman - Ĉeforganizanto
Mia Nordentoft - Spertulo pri volontuloj kaj komputilaj aferoj
Agata Cichocka - taga programo
Marc Konijnenberg - akceptejo
Antonia Montaro - novula programo
Robin van der Vliet - Spertulo pri komunikado per Telegramo kaj multe pli
Nico Huurman - Ekskursoj kaj karavanoj
Joost Franssen - Organizanto, esploranto kaj ŝatanto de gufujoj
Spencer van der Meulen - Agrabla aranĝanto de aŭskultindaj aŭdaĵoj de artistoj

Programo[redakti | redakti fonton]

La temo de la kongreso estis "klimata krizo". Ĝi estis temo de kelkaj prelegoj. Ili estis parto de 83 tagaj programero kiel ekzemple danckursoj aŭ la ludo homlupo. Dum la vesperoj okazis ĉefe muzika programo. La nederlando kvinopo "Wicked Problems" muzikis fine de la dua tago (dimanĉo). Kimo muzikis dum la tria vespero, Tim Gallego dum la kvara kaj Emerson dum la kvina. Ĵaŭdon okazis la tradicia internacia vespero. La prezentaĵo de vendredovespero estis la muzikalo "June kaj kune". Merkredo estis ekskursa tago. Du ekskursoj okazis en Amsterdamo kaj la tria okazis en la belga Antverpeno.

Partoprenantoj[redakti | redakti fonton]

La organizantoj ricevis 288 unikajn aliĝojn. El la efektive 233 partoprenantoj ĉeestis 193 plentempe. 58 homoj indikis, ke ili estas novuloj. La partoprenantoj venis el 30 landoj. La plej oftaj estis Germanujo (50), Francujo (35) kaj Nederlando (33) Hispanio (23), Pollando (14) kaj Italio (13). La plej fora lando de kiu venis partoprenanto: Nov-Zelando, kaj el Afriko venis 2 kongresanoj. La aritmetika meznombra aĝo estis 32 jaroj, dume la mezvalora aĝo estis 29 jaroj. La plej juna partoprenanto: Fabian (1 jaro) de Nederlando. ^[3]