Leopoldo la 3-a (Belgio)

El Vikipedio, la libera enciklopedio
Saltu al: navigado, serĉo
Leopoldo la 3-a
4-a Reĝo de la belgoj
Leopold III of Belgium.jpg
Persona informo
Naskiĝo 3-an de novembro 1901 (1901-11-03)
en Bruselo
Morto 25-an de septembro 1983 (1983-09-25) (81-jara)
en Woluwe-Saint-Lambert
Tombo Preĝejo de Nia Sinjorino, Laken [#]
Religio katolikismo [#]
Ŝtataneco Belgio [#]
Alma mater Eton College [#]
Familio
Dinastio Saksio-Koburgo kaj Gotao [#]
Patro Alberto la 1-a [#]
Patrino Elisabeth of Bavaria, Queen of Belgium [#]
Gefratoj Karolo de Belgio • Marie José of Belgium [#]
Edzino Astrid de Svedio • Lilian, Princess of Réthy [#]
Idoj Princess Joséphine Charlotte of Belgium • Baldueno la 1-aAlberto la 2-a • Prince Alexander of Belgium • Princess Marie-Christine of Belgium • Princess Maria-Esméralda of Belgium • Ingeborg Verdun [#]
Reĝo de la belgoj State Coat of Arms of Belgium.svg
Regado 19341951
Antaŭulo Alberto la 1-a
Sekvanto Baldueno la 1-a
[#] Fonto: Vikidatumoj
v  d  r
Information icon.svg
Leopoldo la 3-a kaj lia edzino Astrid en 1926

Leopoldo la 3-a, plennome Leopoldo Filipo Karolo Alberto Mejnrado Huberto Mario Mikaelo (naskita la 3-an de novembro 1901 en Bruselo; mortinta la 25-an de septembro 1983) estis reĝo de la belgoj de la 23-a de februaro 1934 ĝis 1951.

Li partoprenis la Unuan Mondmiliton kiel senranga soldato. Post la milito li studis en Santa Barbara en Kalifornio.

La 4-an de novembro 1926 li edziĝis en Stokholmo kun princino Astrid de Svedio. Ili havis tri gefilojn:

Pro la salfranka leĝo, kiu ĝis 1990 difinis la sukcedon de Belgio, Jozefino-Ĉarloto ne povis iĝi reĝino. Tronheredonto do estis Baldueno.

La 29-an de aŭgusto 1935 Leopoldo, stiranta sian aŭton en Svislando, ekmalregis ĝin kaj kune kun sia edzino falis en ravinon. Astrid mortis.

La 11-an de septembro 1941 li edziĝis kun Mary Lilian Baels, filino de la eks-guberniestro de Okcidenta Flandrio. Tiu geedziĝo ne havis la aprobon de la ministraro kaj do estis iusence kontraŭ la leĝo. Ankaŭ kun sia dua edzino Leopoldo havis tri gefilojn:

  • Alexander Emmanuel Henry Albert Marie Leopold
  • Marie-Christine Daphné Astrid Elisabeth Leopoldine
  • Maria-Esmeralda Adélaïde Lilian Anne Léopoldine

Dum la Dua mondmilito, kiam Germanio okupis Belgion, Leopoldo decidis kapitulaci, malgraŭ alia decido de ekzila registaro. Li rifuzis kunlabori en la germana administrado; laŭ iuj li tamen petis Adolf Hitler, ke li oficiale redonu al li la regadon. La germanoj tial arestis la reĝan familion unue en la reĝa kastelo, poste en Saksio, fine en Aŭstrio.

Post la milito la belgoj kritikis la fruan kapitulacon de Leopoldo al Germanio kaj lian peton al Hitler, kelkaj ankaŭ la duan edziĝon; la registaro instalis lian fraton Karolo kiel regenton. Kvankam enketa komisiono liberigis lin de riproĉoj pri kunlaboro kun malamiko, la popolo (precipe la valona parto) rifuzis lin. La 16-an de julio 1951 li abdikis favore al sia filo Baldueno, ĉar li timis, ke alie la belgoj en referendumo nuligus la monarkion. Efektive post la abdiko la referendumo decidis konservadon de la monarkio.

Eksteraj ligiloj[redakti | redakti fonton]