Hulfteggpasejo
|
||||
|---|---|---|---|---|
_239.jpg)
|
||||
| Alteco | 954 m | |||
| Koordinatoj | 47°22′N 8°58′O / 47.367°N, 8.967°OKoordinatoj: 47°22′N 8°58′O / 47.367°N, 8.967°O | |||
| Lando | Svislando | |||
| Montaro | Alpoj | |||
| Akvodislimo inter | Töss - Turo | |||
| Ligas | Fischenthal - Mühlrüti | |||
| Infrastrukturo | vojo, poŝtaŭto | |||
Hulfteggpasejo estas montpasejo en la Antaŭalpoj inter Togenburgo en Kantono Sankt-Galo kaj la Tössvalo en Zurika Oberlando en Kantono Zuriko. La pasejo estas la akvodislimo inter la riveroj Töss kaj Turo.
Enhavo |
Priskribo [redakti]
La paseja vojo komenciĝas en Steg (komunumo Fischenthal) sur alteco de 699 m s.m.. La vojo unue pasas la valon de fontrivero de Töss preter la setlejo Fuchsloch kaj tiam grimpas en 3 serpentokurvoj al la pasejkulmino sur alteco de 954 s.m., kiu siutas komplete sur la teritorio de Kantono Sankt-Galo en distanco de 4 km de Steg. En du serpentkurvoj la vojo tiam denove malsupren kondukas al ĝia finpunkto en Mühlrüti (komunumo Mosnang) sur alteco de 758 m s.m. en distanco de 3 km de la pasejkulmino respektive 7 km de la elirpunkto en Steg.
Trafiko [redakti]
La pasejvojo estis finkonstruita en la jaro 1867. De Mühlrüti poŝtaŭtolinio kondukas al la pasejkulmino.
Tursimo [redakti]
La pasejkulmino estas elirpunkto de biciklaj vojoj al la montoj Hörnli kaj Schnebelhorn. Sur la pasejkulmino situas la gastejo Hulfteggpass, kiu estas ŝatata ekskurscelo de biciklistoj kaj motorbiciklistoj.
Historio [redakti]
La unua dokumenta mencio de la pasejo Hulftegg datiĝas el la jaro 1656 kiel Hulfteren. En la 18-a kaj 19-a jarcentoj la pasejo havis signifon por la bovkomerco kaj kotontransporto. La vojo kun longeco de 10 kilometroj kaj larĝeco de 5 metroj estis malfermita en la jaro 1867 post trijara konstrutempo, 37 jarojn post la lanĉo de la projekto.
