Internacia Ligo de Esperantistaj Instruistoj
El Vikipedio
(Alidirektita el ILEI)
La Internacia Ligo de Esperantistaj Instruistoj (mallonge: ILEI) estas faka asocio de esperantistaj instruistoj kaj instruantoj de Esperanto fondita en 1949. Ĝi estas ne-registara organizo en operaciaj rilatoj kun Unesko.
- angle: International League of Esperanto Teachers
- france: Ligue internationale des enseignants d'espéranto
Enhavo |
[redakti] Historio
ILEI estas fondita en 1949. La unua estraro konsistis el Violet C. Nixon (Britio, prezidantino), Einar Dahl (Svedio, sekretario-kasisto), Jeanne Dedieu (Francio, konsilanto) kaj P. Korte (Nederlando, konsilanto)[1].
[redakti] Prezidantoj
Prezidantoj de ILEI estis ekde 1985:
- István Szerdahelyi (1985-1987)
- Edward Symoens (1988-1991)
- Stefan MacGill (1991-1993)
- Duncan Charters (1993-1998)
- Mauro La Torre (1998-2003)
- Radojica Petrovic (2003-2009)
- Stefan MacGill (ekde 2009)
[redakti] Celoj kaj taskoj
- Celoj:
- Edukado al estimo de la homo kaj al respekto al la vivo kaj al la naturo.
- Progresigo de la interkompreniĝo inter la popoloj.
- Taskoj:
- enkonduko de Esperanto en ĉiuspecajn lernejojn,
- celtrafa instruado de Esperanto en ĉiuj medioj kaj ĉiuj niveloj,
- esplorado kaj solvado de pedagogiaj problemoj en la lingvo-instruado,
- eldonado de modernaj lerniloj, fakaj revuoj, libroj kaj informfolioj,
- organizado de internaciaj aranĝoj (ILEI-konferenco, seminarioj ks),
- prizorgo de internaciajn ekzamenojn pri kapablo en apliko kaj instruado de Esperanto,
- kontaktoj kun registaraj kaj edukaj instancoj kaj kun aliaj organizaĵoj kies celoj estas konformaj al tiuj de la Ligo,
- aranĝado kaj utiligado de retpaĝoj kaj diskutlistoj.
[redakti] Estraro
La Estraro de ILEI gvidas la Ligon. Ĝi estas elektata de la supera instanco - la Komitato.
Nuna estraro estis elektita dum la jaro 2009 kaj konsistas el jenaj personoj[2]:
- Stefan MacGill (prezidanto, Nov-Zelando/Hungario)
- prof. Duncan Charters (vicprezidanto, Britio/Usono)
- Malgosia Komarnicka (sekretario, Pollando)
- Julija Batrakova (estrarano pri financoj, Rusio/Nederlando)
- Radojica Petrovic (estrarano, Serbio)
- Zsofia Korody (estrarano, Hungario/Germanio)
- Julian Hernandez (estrarano, Kubo)
[redakti] Revuoj de ILEI
.jpg)
[redakti] Projektoj
- Interkulturo (IK) - retpaĝaro kaj reto de la kunlaborantaj lernejaj klasoj kaj junularaj grupoj dise en la mondo por interkultura lernado per esperanto.
- Flugiloj de Malfacila Vento - trejnseminarioj kaj metodikaj materialoj por junaj instruistoj kaj instruemuloj de Esperanto.
[redakti] Konferencoj
ILEI konferencas ĉiujare en alia lando kun varia faka, kultura kaj turisma programo inkluzive de
- simpozio pri la konferenca temo,
- lingva festivalo.
[redakti] Referencoj
- ↑ Internacia Ligo de Esperantistaj Instruistoj stariĝis! En: La Juna Vivo, septembro 1949, paĝo 355.
- ↑ http://www.ilei.info/instancoj/estraro.php?lingvo=eo
[redakti] Eksteraj ligoj
- Oficiala retpaĝo de ILEI
- revuoj de ILEI:
- Konferencoj de ILEI:
- Konferenco 2007, Raznan, Japanio: Virinoj en Esperanto-Kulturo
- Konferenco 2008, Porto-Novo, Benino: Instruistoj de Esperanto por la Planedo Tero
- subtenataj kaj kunlaboraj projektoj:
- edukado.net - servo por instruistoj kaj lernantoj de Esperanto
- lernu.net - plurlingva paĝaro por lerni Esperanton
- La Lingva Prismo
