Argumentaro

Diagramo de bildigo. La ruĝa elipso signifas la argumentaron; la blua elipso, la celaron, kaj la flava elipso, la bildaron.

En matematiko, la argumentaro de funkcio estas la aro de tiuj elementoj de la fonta aro, sur kiuj la funkcio estas difinita.

Difino

Por funkcio $f\colon A\to B$, kiu ĵetas elementojn de la aro A (kiu en tia kunteksto nomiĝas fonta aro) en la aron B (kiu nomiĝas celaro), oni nomas la aron konsistantan el ĉiuj elementoj de la aro A, kie la funkcio estas difinita, la argumentaro de f. Elemento de la argumentaro nomiĝas argumento; la funkcio ĵetas argumenton $a\in A$ al ĝia bildo, $f(a)\in B$, kiu estas elemento de la celaro $B$. Alie eblas diri, ke $a\in A$ estas malbildo de $b\in B$, kiam $f(a)=b$.

Notacio

$\operatorname {Dom} (f)=X$ signifas, ke la funkcio $f$ estas difinita sur la aro $X$.

Vidu ankaŭ

• Celaro