Rovná (distrikto Sokolov)

Por aliaj signifoj, bv. rigardi la apartigilan paĝon: Rovná

Rovná (Ebnode)
germane Ebmeth
municipo
Municipo Rovná en februaro de 2014
Flago Blazono
Oficiala nomo: Rovná
Ŝtato	Ĉeĥio
Regiono	Regiono Karlovy Vary
Distrikto	Distrikto Sokolov
Administra municipo	Sokolov
Historiaj regionoj	Bohemio, Sudetio
Montaro	Slavkova arbaro
Situo	Rovná
- alteco	700 m s. m.
- koordinatoj	50° 06′ 16″ N 12° 40′ 08″ O (mapo)
Katastro	44,11 km² (4 411 ha) Rovná u Sokolova
Loĝantaro	347 (2023)
Denseco	7,87 loĝ./km²
Unua skribmencio	1370
Horzono	MET (UTC+1)
- somera tempo	MET (UTC+2)
Poŝtkodo	356 01 ĝis 357 65
NUTS 3	CZ041
NUTS 4	CZ0413
NUTS 5	CZ0413 560618
Katastraj teritorioj	6
Partoj de municipo	2
Bazaj setlejunuoj	7
Situo enkadre de Ĉeĥio Situo enkadre de Ĉeĥio
Vikimedia Komunejo: Rovná (Sokolov District)
Retpaĝo: www.rovna.eu
Portalo pri Ĉeĥio

Rovná (devena nomo Ebnode, germane Ebmeth) estas municipo en Ĉeĥio troviĝanta en distrikto Sokolov en Regiono Karlovy Vary. Vivas ĉi tie 347 loĝantoj (2023).

Historio

La unua skribmencio pri la municipo devenas el la jaro 1370. Post la dua mondmilito la loka germana loĝantaro estis ellandigita kaj la teritorio de la municipo, komune kun pluaj en la ĉirkaŭaĵo, estis enmembrigita en nove establitan armean ekzercspacon Prameny en spaco de Slavkova arbaro. La vilaĝo, portanta ekde la jaro 1947 ĉeĥan nomon Rovná, sufiĉis esti dum mallonga agado de la armeo komence de la 1950-aj jaroj en la fundamentojn neniigita.

Post nuligo de la armea spaco en la jaro 1954 la katastro de Rovné estis alligita al Kostelní Bříza kaj nur en la 1960-aj jaroj estis decidite pri ekkonstruo de nova setlejo en tiuj ĉi lokoj. La gvidantaro de la ŝtato venis kun ideo konstrui ĉi tie "socialisman vilaĝon" laŭ modelo de tiama Sovetunio. La nova municipo el paneldomoj estiĝis sur monta plataĵo super loko de la pereinta municipo. Municipo Rovná tiel estis renovigita en la jaro 1969. Sed en la novan municipon loĝantoj ne rapidis kaj pro kaŭzo de allogado de junularo ĉi tie estiĝis en la 1980-aj jaroj studiga centrejo de FF UK por eksterlandaj studentoj. La neintereso de homoj pri ĉi tiea kruda klimato kaŭzis sinkon de nombro de loĝantoj. La sinkado haltis nur post la revolucio en la jaro 1989, kiam la ŝtato en la liberajn loĝejojn transloĝigis Voliniajn ĉeĥojn el la eksa Sovetunio.

Loĝantaro

Evoluo de nombro de loĝantoj kaj domoj de Rovná (sen la lokaj partoj)

Jaro	1869	1880	1890	1900	1910	1921	1930	1950	1961	1970	1980	1991	2001	2011
Nombro de loĝantoj	596	532	476	461	438	365	348	-	-	420	511	485	582	370
Nombro de domoj	90	94	95	91	82	81	74	-	-	10	32	35	35	34

Evoluo de nombro de loĝantoj kaj domoj de Rovná (inkluzice de la lokaj partoj)

Jaro	1869	1880	1890	1900	1910	1921	1930	1950	1961	1970	1980	1991	2001	2011
Nombro de loĝantoj	3 250	3 051	2 816	2 608	2 329	2 080	1 943	6	21	461	542	492	593	381
Nombro de domoj	469	480	469	445	430	423	417	1	9	19	39	46	44	41

Partoj de municipo

• Rovná (katastra teritorio (k. t.) Rovná u Sokolova, Bystřina u Rovné kaj Krásná Lípa u Rovné)
• Podstrání (k. t. Čistá u Rovné, Milíře u Rovné kaj Vranov u Rovné)

Kampa flughaveno Rovná

Sudoriente de la municipo troviĝas kampa flughaveno ULROVN kun areo 600 x 12 m (proksimume okcidento – oriento) kiel labora glughaveno por LCHČ Rovná. Nun ĝi estas en posedaĵo de la municipo kiel firmigita savalterigejo.

Pluaj fotoj

• 

  Vido trans valo de Velká Libava

Rilataj artikoloj

• Kostelní Bříza