Kölcse
Ne miskomprenu kun Kötcse!
Kölcse (kolĉe) estas grandvilaĝo en Hungario, en regiono Norda Ebenaĵo, en departemento Szabolcs-Szatmár-Bereg, en subregiono Fehérgyarmat. Kölcsey estas historia familia nomo.
- Areo: 28 km²
- Loĝantaro: 1400
- Poŝtkodo: 4965
- Telefonprefikso: 44
Enhavo |
Geografio [redakti]
Kölcse situas sur ebenaĵo, laŭ ĉefvojo Debrecen-Vinohradiv, la hungara-ukraina landlimo estas proksime. Tur (rivero) preterfluas, Tiso maldekstre fluas ne tro for.
Historio [redakti]
Kölcse estis loĝata jam dum la neolitiko kaj bronzepoko. La unua mencio okazis en la 12-a jarcento. La bienoj longe apartenis al familio Kölcsey. La vilaĝo ricevis doganrajton en 1344 kaj laŭ dokumentoj ĝi iĝis kampurbo. La nun kalvinana romanika preĝejo konstruiĝis en la 15-a jarcento, poste gotikiĝis. En la preĝejo okazis kelkfoje kunsido de departemento Szatmár. En la 18-a jarcento pesto okazis, poste slovakoj pligrandigis la loĝantojn. Kölcse iĝis grandvilaĝo en 1973.
