Nukso

El Vikipedio, la libera enciklopedio
Saltu al: navigado, serĉo
juglando

Nukso estas ĝenerala termino por diversaj fruktoj (akenoj, guŝoj), aŭ parto de frukto (de drupo), aŭ semo. Nuksoj ofte havas sekan malmolan ŝelon kun manĝebla kerno. Oni kultivas multajn specojn por manĝi la kernon aŭ produkti oleon.

Botanika difino[redakti | redakti fonton]

En botaniko, nukso estas simpla seka frukto kun unu semo (malofte du), en kiu la ovaria muro iĝas tre dura ekde maturiĝo, kaj la semo restas ne fiksita al la ovaria muro. Tiaj veraj nuksoj devenas de iuj plantoj, ekzemple de la ordo Fagales (Fagaloj).

Ordo Fagaloj (Fagales)

Kuirarta difino[redakti | redakti fonton]

Multaj similaj plantaĵoj estas ofte nomataj nuksoj en kuirarto aŭ ĉiutaga parolado.

Alergioj[redakti | redakti fonton]

Nuksa alergio estas iom ofta problemo, kiu estas surprize danĝera al iuj homoj. Eĉ etaj kvantoj de nuksoj povas kaŭzi seriozan ŝokon aŭ morton al suferantoj de tiaj alergioj. Plej ofte temas pri ternuksa alergio.

Salubraj efikoj[redakti | redakti fonton]

Krom la alergia problemo, nuksoj estas salubraj. Diversaj sciencaj esploroj trovis ke dieto kun nuksoj helpas al la sano kaj pli longa vivo.

Proverbo[redakti | redakti fonton]

Ekzistas proverboj pri nukso en la Proverbaro Esperanta de L. L. Zamenhof[1]:

  • Citaĵo
     Nuksoj venis, kiam dentoj elfalis. 
  • Citaĵo
     Pli bona branĉo sennuksa, ol kaĝo plej luksa. 


Referencoj[redakti | redakti fonton]

  1. Lernu