1-a registaro de Manuel Valls

Registaro de Manuel Valls
Reĝimo	Kvina Respubliko
Prezidanto	François Hollande
Ĉefministro	Manuel Valls
Komenco	31-an de marto 2012
Koalicio	PS - PRG
Antaŭa	2-a registaro de Jean-Marc Ayrault

La registaro de Manuel Valls estas la 37-a registaro de la kvina Respubliko de Francio kaj tiu en ofico. Temas pri la tria registaro nomumita de la prezidanto de la Respubliko François Hollande.

La 31-an de marto 2014 posttagmeze, responde al la malvenko de la maldekstro en la municipaj balotoj de 2012, kiuj ĵus okazis, la ĉefministro Jean-Marc Ayrault prezentis la demision de sia registaro. Vespere, la saman tagon, la nomumo al hôtel Matignon de la eliranta ministro pri enlandaj aferoj, Manuel Valls, estis anoncita de la ŝtatestro François Hollande okaze de mallonga televida alparolo registrita en la salono de palaco Elizeo. La nomuma dekreto estis publikigita en la Oficiala Gazeto de la posta tago.

La aliaj ministroj estis nomumitaj per dekreto de la prezidanto merkred matene de la 2-a de aprilo kaj la konsisto de la nova registaro estis anoncita en la sama tago je 11:25 (horo de Parizo, sekva en la posttagmezo per la transdono de oficoj inter la eksaj ministroj kaj ties postvenantaj. La listo de la subministroj estis anoncita la 9-an de aprilo 2014 je 16:50.

Kunteksto

Eliro de la ekologiistoj

La 1-an de aprilo 2014, Manuel Valls rakceptis delegacion de Eŭropo Ekologio La Verduloj (EELV), al kiu li asertis sian volon daŭrigi la energian transiron kaj agi favore al socia justeco kaj malcentrigo. Sekve de tiu kunveno, la plenuma estraro de EELV rifuzis per sep voĉoj por, tri voĉoj kontraŭ kaj kvin sindetenoj eniri la novan registaron.

Konsisto

Temas pri registaro konsistanta el dek sep ministroj, inkluzive de la ĉefministro, kiu estas pareca : krom la ĉefministro (viro), ĝi havas ok virojn kaj ok virinojn. El la antaŭa registaro estrata de Jean-Marc Ayrault, naŭ ministroj konservis sian oficon (kvar el il gajnis pliajn atribuojn) kaj kvin iris al alia ministerio. Pierre Moscovici, kiu ĵus perdis en municipa baloto de 2014 en Valentigney, estis flankigita. Du ministroj ne estis en la antaŭa registaro : Ségolène Royal, kiu tamen estis ministro en antaŭaj registaroj, kaj François Rebsamen, kiu estis prezidanto de la socialisma frakcio en la Senato, kaj estas por la unua fojo nomumita en registaron.

Ĉefministro

Bildo	Ofico		Nomo	Partio
	Ĉefministro		Valls, Manuel Manuel Valls	Socialisma Partio (PS)

Ministroj

Bildo	Ofico		Nomo	Partio
	Ministro pri eksteraj aferoj kaj internacia evoluigo		Fabius, Laurent Laurent Fabius	PS
	Ministro pri ekologio, daŭriva evoluigo kaj energio		Royal, Segolene Ségolène Royal	PS
	Ministro pri nacia edukado, ministro pri supera instruado kaj esplorado		Hamon, Benoit Benoît Hamon	PS
	Sigelilgardisto, ministro pri justico		Taubira, Christiane Christiane Taubira	Maldekstra Radikala Partio (PRG) / Walwari
	Ministro pri ekonomio kaj publikaj kontoj		Sapin, Michel Michel Sapin	PS
	Ministro pri ekonomio, produkta reprogreso kaj ciferecigo		Montebourg, Arnaud Arnaud Montebourg	PS
	Ministro pri socialaj aferoj (kaj sano)		Touraine, Marisol Marisol Touraine	PS
	Ministro pri laboro, dungado kaj socia dialogo		Rebsamen, François François Rebsamen	PS
	Ministro pri defendo		Le Drian, Jean-YvesJean-Yves Le Drian	PS
	Ministro pri enlandaj aferoj		Cazeneuve, Bernard Bernard Cazeneuve	PS
	Ministro pri virinaj rajtoj, urbo, junularo kaj sportoj		Vallaud-Belkacem, Najat Najat Vallaud-Belkacem	PS
	Ministro pri ŝtata reformo, malcentralizo kaj ŝtatoficistaro		Lebranchu, Marylise Marylise Lebranchu	PS
	Ministro pri kulturo kaj komunikado		Filippetti, Aurélie Aurélie Filippetti	PS
	Ministro pri agrikulturo, agronutrado kaj arbaro, proparolanto de la registaro		Le Foll, Stéphane Stéphane Le Foll	PS
	Ministro pri loĝado kaj teritoria egaleco		Pinel, Sylvia Sylvia Pinel	Maldekstra Radikala Partio (PRG)
	Ministro pri transmaroj		Pau-Langevin, George George Pau-Langevin	PS

Subministroj

Bildo	Ofico	Supera ministro		Nomo	Partio
	Subministro komisiita pri rilatoj kun la Parlamento	Ĉefministro		Jean-Marie Le Guen	PS
	subministro pri ekstera komerco, turisma reklamo kaj eksterlandaj francoj	Ministro pri eksteraj aferoj kaj internacia evoluigo		Fleur Pellerin	PS
	Subministro komisiita pri eŭropaj aferoj	Ministro pri eksteraj aferoj kaj internacia evoluigo		Harlem Désir	PS
	Subministro komisiita pri evoluigo kaj franclingvio	Ministro pri eksteraj aferoj kaj internacia evoluigo		Annick Girardin	Maldekstra Radikala Partio (PRG)
	Subministro komisiita pri transportoj, maro kaj fiŝkaptado	Ministro pri ekologio, daŭriva evoluigo kaj energio		Frédéric Cuvillier	PS
	Subministro komisiita pri supera instruado kaj esplorado	Ministro pri nacia edukado, supera instruado kaj esplorado		Geneviève Fioraso	PS
	Subministro komisiita pri buĝeto	Ministro pri ekonomio kaj publikaj kontoj		Christian Eckert	PS
	Subministro komisiita pri komerco, manmetiaro, konsumado kaj sociala solidara ekonomio	Ministro pri ekonomio, produkta reprogreso kaj ciferecigo		Valérie Fourneyron	PS
	Subministro komisiita pri ciferecigo	Ministro pri ekonomio, produkta reprogreso kaj ciferecigo		Axelle Lemaire	PS
	Subministro komisiita pri batalintoj kaj memoro	Ministro pri defendo		Kader Arif	PS
	Subministro komisiita pri teritoria reformo	Ministro pri ŝtata reformo, malcentralizo kaj ŝtatoficistaro		André Vallini	PS
	Subministro komisiita pri familioj, pliaĝuloj kaj aŭtonomeco	Ministro pri socialaj aferoj kaj sano		Laurence Rossignol	PS
	Subministro komisiita pri handikapuloj kaj batalo kontraŭ ekskludo	Ministro pri socialaj aferoj kaj sano		Ségolène Neuville	PS
	Subministro komisiita pri sportoj	Ministro pri virinaj rajtoj, urbo, junularo kaj sportoj		Thierry Braillard	Maldekstra Radikala Partio (PRG)

Deklaro pri ĝenerala politiko

La 8-an de aprilo 2014, la ĉefministro prezentis sian deklaron pri ĝenerala politiko antaŭ la nacia Asembleo, laŭ artikolo 49-1 de la konstitucio de la kvina Respubliko. Per 306 voĉoj por, 239 kontraŭ kaj 26 sindetenoj, Manuel Valls ricevis la fidon de la nacia Asembleo.