Mentolo

El Vikipedio, la libera enciklopedio
Saltu al: navigado, serĉo

Mentolo estas organika kombinaĵo, apartenanta al la terpenaj alkoholoj. Ĝi estas senkolora, formas pingloformajn kristalojn. Ĝi havas odoron kaj guston similan al tiu de la pipromenta oleo. Ĝi apenaŭ solviĝas en akvo, sed bone en etanolo, dietil-etero kaj kloroformo.

Ĝia fandopunkto estas 31-34 °C, la bolpunkto ĉ. 216 °C, la kemia formulo estas C10H20O, la mola maso 156,27 g·mol‒1. La denseco estas 0,89 g/cm3

Strukturo[redakti | redakti fonton]

La strukturo Izomeroj

Apero en la naturo[redakti | redakti fonton]

Ĝi aperas en la naturo en oleo de kelkaj mento-specioj kiel pipromento (Mentha piperita), tiukaze en kvanto de 50-60%. En tiu oleo ĝi aperas parte libere, parte en ligita stato, en formo de esteroj. La proporcio de la esterigita mentolo estas 2%-30%.

Produktado[redakti | redakti fonton]

Oni produktas el la pipromenta oleo per distilado, sed oni povas produkti ĝin ankaŭ per sintezo.

Aplikado[redakti | redakti fonton]

Oni uzas ĝin en la nutraĵa industrio por pretigo de dolĉaĵoj, draĵeoj. La medicina industrio uzas ĝin en formo de pulvoro aŭ ŝmiraĵo.