Roberto la 2-a (Francio)

El Vikipedio, la libera enciklopedio
Saltu al: navigado, serĉo
Roberto la 2-a (Francio)
Roberto la 2-a
972 – 1031
Reĝo de la Frankoj
Reĝado 996 - 1031
Dinastio Kapetidoj
Antaŭulo Hugo Kapeto
Posteulo Henriko la 1-a
Patro Hugo Kapeto
Patrino Adelajda de Akvitanio
Edzinoj *Rozala de Italio
*Berta de Burgonjo
*Konstanca de Arles

Roberto la 2-a de Francio (naskiĝis la 27-an de marto 972 - mortis la 20-an de julio 1031), kromnomita Roberto la Pia (franclingve Robert II le Pieux) estis reĝo de Francio ekde 996 ĝis 1031

Roberto, la dua reĝo de la kapetida dinastio, estis la filo de Hugo Kapeto kaj de Adelajda de Akvitanio. Lia patro asociis lin al la trono ekde la kristnasko de la jaro 987 por garantii lian postan legitimecon. Pro la premo de sia patro, Roberto unue edziĝis en 988 kun Rozala de Italio, vidvino de Arnulfo la 2-a (grafo de Flandrio). Ŝi aĝis dudek jarojn pli ol li : ĉar ŝi ne sukcesis naski infanon, la geedzoj apartiĝis en 992.

Li sekve forte enamiĝis en Bertan de Burgonjo, vidvino de Eŭdo la 1-a de Blois kaj filino de Konrado la 3-a de Burgonjo. Li esperis, ke tia amedziĝo generus heredanton por la juna kapetida dinastio. Berta krome alportis al la franca monarkio heredrajton sur Burgonjo kaj sur la vastaj terenoj de la landsinjoroj de Blois. Malgraŭ malkonsento de la Katolika Eklezio (Roberto kaj Berta estis malproksimaj gekuzoj), la edziĝo okazis en novembro aŭ decembro 996, iom post la morto de Hugo Kapeto, kiu same reĵetis tian edziĝon.

Okaze de la koncilio de Pavia en 997, la papo Gregorio la 5-a puntrudis al Roberto sep jarojn da pento, se la reĝo ne apartiĝis el Berta. La papo cetere minacis sankcii la francan reĝlandon kaj ekskomuniki la geamantojn. Ĉiukaze, el la edziĝo rezultis nur unu mortnaskita infano. Roberto forlasis Bertan en 1003 kaj reedziĝis kun Konstanca de Arles, el la domo de Anĵuo. Ŝi naskis sep infanojn, inkluzive de Roberto la 1-a de Burgonjo, Hugo la 2-a de Francio (asociita al sia patro sed mortinta antaŭ li) kaj Henriko la 1-a de Francio, kiu heredis la kronon en 1031.

Vidu ankaŭ[redakti | redakti fonton]

Fleur de lys Reĝoj de Francio, reĝoj de la Francoj kaj imperiestroj de la Francoj
ekde 987 ĝis 1870
Fleur de lys
987 996 1031 1060 1108 1137 1180 1223 1226
   Hugo Kapeto Roberto la 2-a Henriko la 1-a Filipo la 1-a Ludoviko la 6-a Ludoviko la 7-a Filipo la 2-a Ludoviko la 8-a   
1226 1270 1285 1314 1316 1316 1322 1328 1350
   Ludoviko la 9-a Filipo la 3-a Filipo la 4-a Ludoviko la 10-a Johano la 1-a Filipo la 5-a Karlo la 4-a Filipo la 6-a   
1350 1364 1380 1422 1461 1483 1498 1515 1547 1559
   Johano la 2-a Karlo la 5-a Karlo la 6-a Karlo la 7-a Ludoviko la 11-a Karlo la 8-a Ludoviko la 12-a Francisko la 1-a Henriko la 2-a   
1559 1560 1574 1589 1610 1643 1715 1774 1792
   Francisko la 2-a Karlo la 9-a Henriko la 3-a Henriko la 4-a Ludoviko la 13-a Ludoviko la 14-a Ludoviko la 15-a Ludoviko la 16-a   
1792 1804 1814 1824 1830 1848 1852 1870
     -   Napoleono la 1-a Ludoviko la 18-a Karlo la 10-a Ludoviko-Filipo - Napoleono la 3-a   

Historio de Francio - Kapetidoj - Valois - Burbonoj - Bonaparte