Karlo la 7-a (Francio)
| Karlo la 7-a de Francio 1403 – 1461 |
||||||
| Reĝo de Francio | ||||||
|---|---|---|---|---|---|---|
|
||||||
|
||||||
|
Karlo la 7-a de Francio (n. la 22-an de februaro 1403 en Parizo - m. la 22-an de julio 1461 en Mehun-sur-Yèvre), kromnomita Karlo la Venkanto (franclingve Charles VII le Victorieŭ) estis la reĝo de Francio ekde 1422 ĝis 1461. Li interalie ĉesigis la Centjaran militon en 1453, per franca venko. Oni ĝis hodiaŭ asocias lian nomon kun la famega Johana de Arko, kiu inversis la destinon de la milito kaj ebligis la kronigon de la nova reĝo en Reims la 17-an de julio 1429.
Post lia morto, Karlo la 7-a estis ofte kritikita pro tio, ke li malrapidigis la rekonkeron de Francio fare de Johana de Arko kaj forlasis ŝin post ŝia kapto en Compiègne (1430). Li tamen oficiale rehonorigis ŝin en 1456, kaj firme kontestis, ke ŝi estis herezulino. Karlo estis krome efika reĝo, kiu finpuŝis la anglojn el la reĝlando kaj restarigis fortan ekonomion danke al la reformoj de Jacques Cœur. Karlo la 7-a favoris galikanismon, kaj plifortigis la aŭtoritaton de la reĝo.
La tronon heredis alia grava reĝo, lia filo Ludoviko la 11-a.
