Tiszalök

El Vikipedio, la libera enciklopedio
Saltu al: navigado, serĉo

Tiszalök (tisalok) estas urbo en Hungario en regiono Norda Ebenaĵo, en departemento Szabolcs-Szatmár-Bereg, en subregiono Tiszavasvári.

La komunumo situas sur ebenaĵo, laŭ maldekstra flanko de Tiso, laŭ flankovojoj, fine de fervojo el Nyíregyháza. Autoŝoseo M3 el Budapeŝto estas proksime. Pramo funkcias tra la rivero.

Ĝia ĉirkaŭo estas loĝata ekde la hungara landokupo (895), arĥeologoj malkovris tie la unuan pruveble Arpad-epokan vilaĝon de la departemento, sed pli fruaj trovaĵoj devenas el la neolitiko kaj de avaroj.

La loko estas menciita unufoje en 1265, ĝi havis rajtojn de kampara urbo ekde 1700-aj jaroj ĝis 1893. En 1870 ĝi iĝis distriktejo de Szabolcs, en 1992 urbo.

La komunumo tutlande famiĝis danke al konstruo de la akvoŝtuparo kaj akvocentralo, apogante la ŝipveturadon sur la Tiso. La ŝveliga instalaĵo estis finkosntruita en 1954, la ŝipa kluzo en 1958, la turbinoj de la akvocentralo (11,5 megavattoj) funkcias ekde 1959. Estas nepre menciinda, ke ĉirkaŭ 1950 inter la laboristoj troviĝis multnombre trudlaboristoj, kiuj nomiĝis tiutempe "malamikoj de la laborista popolo".

Parto de la ŝveligita akvo defluas tra la tie eliranta Orienta ĉefkanalo.