Santa Cruz de Tenerife

El Vikipedio, la libera enciklopedio
Saltu al: navigado, serĉo
Por aliaj konceptoj kun la sama nomo, vidu artikolon Tenerife (apartigilo)

Situo de la urbo en la insulo Tenerife
Santa Cruz de Tenerife (Kanariaj insuloj)
DEC
Santa Cruz de Tenerife
Santa Cruz de Tenerife
Santa Cruz de Tenerife sur Tenerifo
Grandaj turismaj krozoŝipoj en la kajo Dársena de Anaga de la Haveno de Santa Cruz de Tenerife.

Santa Cruz de Tenerife (Sankta Kruco de Tenerifo) estas la ĉefurbo de la kanaria insulo Tenerifo kaj, samrange kun Las Palmas de Gran Canaria, la ĉefurbo de la aŭtonoma regiono Kanarioj.

Ĝi havas areon de 150 km² kaj 221.567 loĝantojn kaj aglomeriĝas kun La Laguna, kiu havas pliajn 160.000.

La ekonomio de Santa Cruz baziĝas sur la sektoro de servoj, kiel administra centro de granda turisma areo. Ankaŭ gravas la propra turismo, kies ĉefa allogaĵo, krom la suno kaj plaĝo, estas la famaj Karnavaloj.

Historio[redakti | redakti fonton]

La guanĉoj, praloĝantoj de la Kanarioj, nomis la regionon de Santa Cruz "Anjaso".

Tie ĉi la admiralo Fernández de Lugo, armea guberniestro de Gran Canaria, albordiĝis en 1494 por subigi la praloĝantojn kaj starigis krucon, kiu donis al la urbo la nomon ("sankta kruco"). Tiu kruco ankoraŭ ekzistas, troviĝas en la Kirko de Koncipiĝo kaj ĉiujare je la 3-a de majo (kruco-tago) estas portata procesie tra la urbo. Fernández de Lugo estis venkita kvar semajnojn poste de insidantaj gŭanĉoj, kio tamen nur prokrastis la hispanan superregon.

Ĉar iam la Kanarioj estis nemankebla etapo survoje al Ameriko, la urbo evoluigis gravan havenon. En la 18-a kaj 19-a jarcentoj ĝi suferis, kiel tutaj Kanarioj, atakojn de anglaj kaj nederlandaj piratoj. En 1797 ĝi sukcesis defendi sin kontraŭ atako de la brita admiralo Horatio Nelson, kiu tie perdis brakon pro kanonpafo kaj suferis sian solan malvenkon.

Francisco Franco de tie ĉi ekiris en 1936 por realigi sian ribelon kaj komenci la hispanan enlandan militon.

Vidindaĵoj[redakti | redakti fonton]

  • La Haveno de Santa Cruz de Tenerife estas komerca haveno, de pasaĝeroj, por fiŝkaptado kaj sporta de la urbo Santa Cruz de Tenerife kaj estas la plej grava de Kanarioj laŭ nombro de pasaĝeroj, ĉar la 23% de la transporto de marpasaĝeroj de Kanarioj fariĝis tra tiu haveno.[1]

Famuloj[redakti | redakti fonton]

En Santa Cruz de Tenerife mortis iama hungara ministro Imre Csáky.

Esperanto-movado[redakti | redakti fonton]

Estas gastiganto de Pasporta Servo tie.
Juan Régulo Pérez estis loĝanto de Tenerifo. (La Laguna)

Referencoj[redakti | redakti fonton]

  1. El Puerto mueve el 60% de materiales que se usan en la producción de bienes en Tenerife

Eksteraj ligiloj[redakti | redakti fonton]


Vidu ankaŭ[redakti | redakti fonton]