David Thorstad
| David | |
|---|---|
politika aktivulo, pedofilia aktivulo, historiisto | |
| Persona informo | |
| Naskiĝo | 6-a de junio 1941 en Usono |
| Morto | 1-an de aŭgusto 2021 |
| Ŝtataneco | Usono |
| Okupo | |
| Okupo | historiisto |
David THORSTAD (naskiĝis la 6-an de junio 1941)[1] estas usona politika aktivulo kaj historiisto de la movado por la rajtoj de la samseksemuloj ekde la jardeko de 1970. Li estis fondinta membro de la North American Man/Boy Love Association (NAMBLA) kaj prezidanto de la Gay Activists Alliance ("Alianco de Gejaj Aktivuloj") de Nov-Jorko[2].
Dum pli ol ses jaroj li apartenis al la Laborista Socialisma Partio (SWP), kun trockiisma tendenco, kaj estis redaktisto de ĝia bulteno, The Militant. Li forlasis SWP en decembro 1973, argumentante mankon de intereso de la organizaĵo pri la geja liberiga movado kaj ĝian fiaskon rilate al disvolviĝo de "materialista marksisma analizo". En 1976 li memeldonis kompilon de internaj dokumentoj de la partio koncerne la debaton pri la geja liberiga movado, titolitan Gay Liberation and Socialism: Documents from the Discussions on Gay Liberation Inside the Socialist Workers Party (1970-1973)[3]. Komence de la 1970aj jaroj li estis prezidanto de la Gay Activists Alliance, ĉefa grupo de la geja liberiga movado en Nov-Jorko.
En junio 1973, Thorstad kaj John Lauritsen publikigis en Bulletin Discussion, interna debata bulteno de SWP, 14-paĝan studon titolitan The Early Homosexual Rights Movement (1864-1935), kiu provas demonstri, ke la geja liberiga movado havis longan kaj gravan historion, aparte en Germanio. Ĝi estis plivastigita la sekvantan jaron en 92-paĝa samtitola libro, publikigita de Times Change Press, eldonejo en Nov-Jorko specialigita pri feministaj kaj progresistaj libroj[4]. La verko tradukiĝis en la hispanan[5] kaj germanan[6].
En 1978 li estis unu el la fondintaj membroj de NAMBLA, la plej grava organizaĵo de la pedofilia aktivismo, en kiu li funkciis kiel membro de la direktiva komitato ĝis septembro 1996.
En 1985 li publikigis la libron A Witchhunt Foiled: The FBI vs. NAMBLA ("Ĉasado de sorĉistinoj: FBI kontraŭ NAMBLA")[7], en kiu li dokumentas la faktojn okazintajn rilate al la falsa akuzo kontraŭ unu membro de NAMBLA pri la malapero de la infano Etan Patz[8], fakto kiu signifis tre negativan reklamadon por la organizaĵo.
En la jaro 2000 Thorstad mem estis unu el la membroj de NAMBLA akuzitaj pri nevola homicido fare de la geedzoj Robert kaj Barbara Curley, post antaŭa procezo kontraŭ NAMBLA iniciatinta de la sama paro, definitive suspendita post, kiam la Usona Unio por Civilaj Liberecoj intervenis por defendi la esprimliberecon de NAMBLA[9]. La proceso kontraŭ Thorstad kaj la aliaj membroj estis arkivita en 2008 pro manko de pruvoj[10].
Thorsard difinas la membrojn de la moderna samseksema liberiga movado kiel "zombiojn politike korektajn" kaj la "radikalismon de grupoj kiel Queer Nation" kiel "groteskan kaj ofendan". Liaj vidpunktoj aperas resumitaj en siaj artikoloj "Man/Boy Love and the American Gay Movement", en Male Intergenerational Intimacy: Historical, Socio-Psychological and Legal Perspectives (Theo Sandfort, Edward Brongersma kaj Alex van Naerssen)[11], kaj "Homosexuality and the American Left: The Impact of Stonewall", en Gay Men and the Sexual History of the Political Left (Gert Hekma, Harry Oosterhuis kaj James Steakley).[12].
Referencoj[redakti | redakti fonton]
- ↑ Hocquenghem, Guy; Hennig, Jean-Luc; Thompson, Michael; Soukaz, Lionel. Le Gay Voyage: Guide et regard homosexuels sur les grandes métropoles (france). Parizo: Albin Michel, 1980
- ↑ Hubert, Kennedy. "Sexual Hysteria—Then and Now", Gay and Lesbian Historical Society of Northern California (angle), OurStories, 1991, pp. 17–18.
- ↑ Gay Liberation and Socialism: Documents from the Discussions on Gay Liberation Inside the Socialist Workers Party (1970-1973). Nov-Jorko: [s.n.], 1976.
- ↑ Lauritsen, John; Thorstad, David. The homosexual rights movement (1864-1935). [s. l., s. n.], 1973.
- ↑ Lauritsen, John; Thorstad, David. Los primeros movimientos en favor de los derechos homosexuales, 1864-1935. Barcelono: Tusquets, 1974.
- ↑ Lauritsen, John; Thorstad, David. Die frühe Homosexuellenbewegung: 1864 - 1935. Hamburgo: Libertäre Assoz, 1984.
- ↑ Kennedy, Hubert. "A Witch-hunt foiled: The FBI vs. NAMBLA" (angle). The Advocate, n-ro 446 (1986-05-13), p. 54.
- ↑ Jenkins, Philip. Moral Panic: Changing Concepts of the Child Molester in Modern America. Yale: Yale University Press, 2004. ISBN 978-0-300-10963-4.
- ↑ Reinstein, John. "ACLU Agrees to Represent NAMBLA in Freedom of Speech Case". ACLU of Massachusetts Press Release, 2003-06-09.
- ↑ Saltzman, Jonathan. Curley family drops case against NAMBLA, The Boston Globe, 2008-04-23
- ↑ Sandfort, Theo; Brongersma, Edward. Male Intergenerational Intimacy: Historical, Socio-Psychological, and Legal Perspectives Nov-Jorko: Haworth Press, 1990. ISBN 978-0-918393-78-4.
- ↑ Hekma, Gert; Oosterhuis, Harry; Steakley, James. Gay Men and the Sexual History of the Political Left. Binghamton: Harrington Park Press, 1995. ISBN 1-56023-067-3.
Eksteraj ligiloj[redakti | redakti fonton]
- angle David Thorstad Arkivigite je 2014-03-13 per la retarkivo Wayback Machine, artikolo sur la persona retejo de la historiisto William A. Percy, kun bibliografio
