Verdo-Maldekstro

El Vikipedio, la libera enciklopedio
Saltu al: navigado, serĉo
GroenLinks.svg

GroenLinks (en Esperanto "Verdo-Maldekstro", mallonge GL) estas ekologia politika partio en Nederlando. Ĝi oficiale ekestis dum la jaro 1990 pro fuzio de la partioj PPR (Politieke Partij Radicalen, politika partio la redikaluloj - fondita dum 1968), PSP (Pacifistisch Socialistische Partij, pacifisme socialista partio - fondita dum 1958), CPN (Communistische Partij Nederland, komunisma partio de Nederlando, fondita dum 1919) kaj EVP (Evangelische Volkspartij, protestanta popola partio - fondita dum 1981). Jam dum 1989 tiuj partioj kreis balotan blokojn kaj dum la parlamentaj balotoj atingis 6 parlamentajn seĝojn. La ĝis nun plej bonan balotan rezulton la partio atingis dum la jaro 1998, atingante 11 parlamentajn seĝojn kaj subtenon de 7,3 procentoj de la voĉdonantoj. Post la balotoj de 2006 la partio reprezentiĝas per 7 naciaj parlamentanoj. En la Eŭropa Parlamento ĝi post la balotoj de 2004 havas 2 parlamentantojn.

Post sia fondiĝo, la partio neniam estis membro en registara koalicio. Nur en la provinco Norda Holando, kie ĝi aparte fortas, la partio partoprenas en la regiona registaro.

Partia prezidanto laŭ la stato de 2007 estas la politiksito Henk Nijhof, kaj la prezidanto de la parlamenta frakcio ekde la jaro la politikistino Femke Halsema. Dum ŝia gvido la partio, kiu intertempe havas pli ol 20.000 membrojn, ricevis pli maldekstran-liberalan profilon, kaj iom foriris de tradicie ekologiaj politikaj pozicioj. Sur eŭropa nivelo la partio tamen restas stabila membro de la kunligoj de ekologiaj partioj, kaj inter alie, kune kun la daŭre ekzistanta nederlanda partio De Groenen ("la verduloj") membras en la dum 2004 fondita Eŭropa Verda Partio.

La junulara organizo de la partio havas la mallongigon DWARS.

Rezultoj dum parlamentaj balotoj[redakti | redakti fonton]

  • 1989: 4,1% - 6 seĝoj
  • 1994: 3,4% - 5 seĝoj
  • 1998: 7,3% - 11 seĝoj
  • 2002: 7,0% - 10 seĝoj
  • 2003: 5,1% - 8 seĝoj
  • 2006: 4,6% - 7 seĝoj

Eksteraj ligiloj[redakti | redakti fonton]