Blankfrunta ansero
 |
||||||||||||||
|---|---|---|---|---|---|---|---|---|---|---|---|---|---|---|
 Anser albifrons subsp. albifrons
|
||||||||||||||
| Biologia klasado | ||||||||||||||
|
||||||||||||||
| Konserva statuso | ||||||||||||||
|
|
||||||||||||||
| Anser albifrons (Scopoli, 1769) |
||||||||||||||
|
|
||||||||||||||
|
||||||||||||||
Enhavo |
[redakti] Vivloko
En Ĉinio la blankfrunta ansero (Anser albifrons) el la ordo de anserformaj birdoj kaj familio de anasedoj troviĝas en la norda kaj meza partoj de Hejlongĝjang, suda Ljaŭning, okcidenta Ŝinĝjang, sudokcidenta parto de Ĉangdu, Tibeto kaj la vasta regiono inter la marbordaj provincoj de orienta Ĉinio kaj Hunan kaj Hubej.
Tiu holarkta birdo vivas ankaŭ de la arkta marbordo de Siberio ĝis la Beringa Markolo, en la norda ekstremo de Ameriko, okcidentaj Eŭropo kaj Groenlando, kaj travintras en la nordaj partoj de Japanio, Hindio kaj Birmo, en Kaspia Maro, Nigra Maro, Mediteranea regiono, Nordameriko kaj Meksika Golfo.
[redakti] Aspekto
Ĝi longas ĉ. 70 cm. kaj pezas maksimume 3,5 kg. La femala kaj maskla birdoj havas plumojn de preskaŭ sama koloro, kun larĝa kaj blanka strio sur Ia frunto kaj supra bekradiko. La dorso, ŝultrcj kaj talio estas malhelgrizaj, dum la plumrandoj helverdaj. La vosto estas nigrebruna, ĝiaj kovraj plumoj blankaj. La ventro estas grizblanka kun neregulaj nigraj makuloj.
[redakti] Konduto, nutrado
Komence de oktobro la blankfruntaj anseroij migras en Ĉinion. Dum migrado ili flugas nokte en V-formo, gvidate de maljuna birdo. Atinginte la cellokon, kie ili travintras, ili disiĝas en malgrandajn grupojn. Ili flugas tre rapide, kun laŭta blekado. Ili travintras sur vastaj stepoj, kampoj, marĉoj, mar- kaj riverbordoj. En varmetaj tagoj ili moviĝas dise. En tagoj pluvaj, ventegaj, neĝaj kaj frostaj ili grupiĝas en lokoj, ŝirmitaj de vento, kaj agas malofte. Ili manĝas ĉefe diversajn lagajn herbojn kaj iam ankaŭ grenojn kaj semojn, ŝosojn, junajn foliojn kaj radikojn de aliaj vegetajoj.
[redakti] Generado
Marte de la sekvanta jaro ili forflugas norden por fekundigo. Ili konstruas nestojn. ĉe marbordoj aŭ sur klifoj. Post kiam la birdino demetas 6-7 flavajn ovojn, ĝi ekkovas ilin. La nove elkovitaj birdidoj estas kovritaj de olivverdaj plumoj.
La blankfruntaj anseroj estas fame konataj birdoj por ĉasado kaj aprecado. Multaj el ili estas mortigitaj dum travintrado pro manko de singardemo. Nun ilia nombro draste malpliiĝas, pro tio ili devas esti protektataj.
 |
Rilataj artikoloj troviĝas en Portalo pri Birdoj |
