Pertoltice (distrikto Liberec)

	Pertoltice
	germane Berzdorf b. Friedland
	municipo
	Preĝejo de sankta Joŝto en Dolní Pertoltice
Flago	Blazono
	Oficiala nomo: Pertoltice
Ŝtato	Ĉeĥio
Regiono	Regiono Liberec
Distrikto	Distrikto Liberec
Administra municipo	Frýdlant
Historiaj regionoj	Bohemio, Sudetio
Montaro	Fridlanta montetaro
Situo	Pertoltice
- alteco	275 m s. m.
- koordinatoj	50° 58′ 56″ N 15° 04′ 54″ O / 50.98222 °N, 15.08167 °O (mapo)
Areo	10,15 km² (1 015 ha)
Loĝantaro	299 (2023)
Denseco	29,46 loĝ./km²
Horzono	MET (UTC+1)
- somera tempo	MET (UTC+2)
Poŝtkodo	463 73
NUTS 3	CZ051
NUTS 4	CZ0513
NUTS 5	CZ0513 564311
Katastraj teritorioj	2
Partoj de municipo	2
Bazaj setlejunuoj	2
	Situo enkadre de Ĉeĥio Situo enkadre de Ĉeĥio
	Vikimedia Komunejo: Pertoltice (Liberec District)
	Retpaĝo: www.obecpertoltice.cz
	Portalo pri Ĉeĥio

Por aliaj signifoj, bv. rigardi la apartigilan paĝon: Pertoltice

Koordinatoj: 50° 58′ 56″ N 15° 04′ 54″ O / 50.98222 °N, 15.08167 °O (mapo)

Pertoltice (germane Berzdorf b. Friedland) estas municipo en nordo de Ĉeĥio, en Regiono Liberec, en distrikto Liberec. Ĝi situas en Fridlanta terlango proksimume 5 kilometroj norde de urbo Frýdlant sur rojo Pertoltický potok. Vivas ĉi tie 299 loĝantoj (2023). La propra municipo havas du partojn: Horní Pertoltice kaj Dolní Pertoltice.

Tra la municipo kondukas ŝoseo I/13 el Frýdlant al limpasejo Habartice–Zawidów.

La najbaraj municipoj de la setlejo estas Habartice, Černousy, Višňová, Bulovka kaj Miedziana.

Historio[redakti | redakti fonton]

En la 17-a jarcento Pertoltice estis dividita inter du municipoj: Horní Pertoltice kaj Dolní Pertoltice. Sub la Dolní falis ankaŭ domaro Nové Pertoltice (iam nomata ankaŭ Prostřední) fondita en la jaro 1782. La municipoj situis ja ĉe la grava ŝoseo, sed ili konservis agrikulturan karakteron. Ili havis ankaŭ komunan lernejon, kiu ekde la jaro 1892 havis sidejon en lerneja konstruaĵo en Dolní Pertoltice. En la 1930-aj jaroj Pertoltice havis 469 germanajn kaj 11 ĉeĥajn loĝantojn. Post fino de la dua mondmilito kaj forŝovo de germanaj loĝantoj venis en Pertolticeon enloĝigintoj el ĉirkaŭaĵo de Jičín, Mladá Boleslav kaj Turnov. Horní kaj Dolní Pertoltice estis kunigitaj fine de la jaro 1949. La 1-an de majo 1980 Pertoltice fariĝis konsisto de Habartice. La administran memstarecon ĝi akiris denove la 1-an de januaro 1991.