Čakany
Čakany, hungare Pozsonycsákány, germane Knitteldorf estas malgranda vilaĝo en Slovakio en regiono Trnava, en distrikto Dunajská Streda.
- Areo: 11 km²
- Loĝantaro: 570
- Alto super marnivelo: 125 m
- Poŝtkodo: 930 40
- Telefonprefikso: +421 031
Situo[redakti | redakti fonton]
La vilaĝo situas sur ebenaĵo, laŭ traira flankovojo. Šamorín troviĝas 6 km-ojn for.
Historio[redakti | redakti fonton]
La unua mencio devenis el 1254. Tiam funkciis klostro, la kampoj apartenis al abatejo de Pilis. En la 16-a jarcento pesto okazis, poste alvenis moravoj. En 1774 virino naskis 4-ajn ĝemelojn. En 1910 loĝis en la vilaĝo 393 da homoj, (plejparte hungaroj). Ĝis 1919 la vilaĝo apartenis al Pozsony, al distrikto de Dunaszerdahely. Ekde 1920 ĝi apartenis al Ĉeĥoslovakio. Inter 1938-1945 la vilaĝo rehungariĝis. La unua Arbitracio de Vieno deklaris, ke tiuj komunumoj, kie la hungaroj vivas en majoritato, apartenu al Hungario. Post la 2-a mondmilito la hungaroj iĝis senrajtaj laŭ Dekretoj de Beneš ĝis 1948.
Vidindaĵoj[redakti | redakti fonton]
- katolika preĝejo el la 17-a jarcento, en 1824 klasikismiĝis
- baroka kastelo havanta 4 anguloturojn, nun orfejo