Veľké Úľany

El Vikipedio, la libera enciklopedio
Salti al navigilo Salti al serĉilo

Veľké Úľany, hungare Nagyfödémes estas vilaĝo en Slovakio, en Regiono Trnava, en Distrikto Galanta. La historia slovaka nomo estis Veľký Fedymeš. Veľký kaj Nagy signifas: granda.

Veľké Úľany situas en la plej griza regiono

Situo[redakti | redakti fonton]

La vilaĝo situas sur ebenaĵo, laŭ flankovojoj. Galanta troviĝas 12 km-ojn for.

Historio[redakti | redakti fonton]

La unua mencio pri la vilaĝo devenis el 1221 en formo "Fudemus", apartenanta al fortikaĵo de Pozsony. Ŝajnas, tiutempe loĝis tie reĝaj abelistoj. En 1490 kaj en 1505 armeo de Maksimiliano la 1-a (Sankta Romia Imperio) detruetis la vilaĝon. En 1828 ekfunkciis sukerofabriko, kiu estis la unua en Meza Eŭropo. En 1862 inundo, en 1865 incendio, post 1 jaro ĥolero okazis. En 1910 loĝis tie 2709 da homoj, (2679 hungaroj). Ĝis 1919 la vilaĝo apartenis al Pozsony (reĝa departemento), al distrikto de Galanta, poste al Ĉeĥoslovakio, fine ekde 1993 al Slovakio. Inter 1938-1944 la vilaĝo rehungariĝis. La unua Arbitracio de Vieno deklaris, ke tiuj komunumoj, kie la hungaroj vivas en majoritato, apartenu al Hungario. Post la 2-a mondmilito la hungaroj iĝis senrajtaj laŭ Dekretoj de Beneš. En 1976 proksima vilaĝo Nové Osady aliĝis al Veľké Úľany. En 2001 loĝis tie 4180 da homoj, (2971 hungaroj, 1164 slovakoj).

Vidindaĵoj[redakti | redakti fonton]