Vrakúň
| Vrakúň | |||
|---|---|---|---|
 | |||
| municipo de Slovakio | |||
| Administrado | |||
| Poŝtkodo | 930 25 | ||
| En TTT | Oficiala retejo [+] | ||
| Demografio | |||
| Loĝantaro | 2 794 (2021) [+] | ||
| Loĝdenso | 73 loĝ./km² | ||
| Geografio | |||
| Geografia situo | 47° 56′ N, 17° 36′ O (mapo)47.93888888888917.604166666667Koordinatoj: 47° 56′ N, 17° 36′ O (mapo) [+] | ||
| Alto | 114 m [+] | ||
| Areo | 38,34 km² (3 834 ha) [+] | ||
| |||
|
| |||
| Alia projekto | |||
 Vikimedia Komunejo Vrakúň [+]
| |||
Vrakúň, hungare Nyékvárkony estas vilaĝo en Slovakio en regiono Trnava, en distrikto Dunajská Streda.
- Areo: 38 km²
- Loĝantaro: 2480
- Alto super marnivelo: 117 m
- Poŝtkodo: 930 25
- Telefonprefikso: +421 031
Situo[redakti | redakti fonton]
La vilaĝo situas sur ebenaĵo, laŭ flankovojoj. Dunajská Streda troviĝas 5 km-ojn for.
Historio[redakti | redakti fonton]
La vilaĝo naskiĝis en 1940 pro unuiĝo de 2 apudaj vilaĝoj Nyék (njEk) kaj Várkony (vArkonj). Tiam Nyék havis la pli oficialan nomon Csallóköznyék.
Várkony[redakti | redakti fonton]
La vilaĝo estis loĝata dum la avaroj. La unua mencio devenis el 1015 en formo Oiarchunítani, la preĝejo menciiĝis en 1308. Tiu vilaĝo estas devenejo de familio Amade, kiuj havis burgon nun nevideblan. La loĝantoj ricevis urbajn privilegiojn en la 16-a jarcento. Familio Amade havis elitan bovobredejon kaj fazanobredejon en la 19-a jarcento. En 1910 loĝis en la vilaĝo 855 da homoj, (plejparte hungaroj).
Nyék[redakti | redakti fonton]
La unua mencio devenis el 1165. La loĝantoj ricevis nobelecojn de Stefano la 3-a. En 1910 loĝis en la vilaĝo 643 da homoj, (plejparte hungaroj).
De la 20-a jarcento[redakti | redakti fonton]
Ĝis Traktato de Trianon la vilaĝoj apartenis al Pozsony (historia departemento), al distrikto de Dunaszerdahely. Ekde 1920 ĝi apartenis al Ĉeĥoslovakio. Inter 1938-1945 la vilaĝo rehungariĝis. La unua Arbitracio de Vieno deklaris, ke tiuj komunumoj, kie la hungaroj vivas en majoritato, apartenu al Hungario. En 1940 la vilaĝoj unuiĝis, nur malgranda kanalo distranĉas ilin. Post la 2-a mondmilito la hungaroj iĝis senrajtaj laŭ Dekretoj de Beneš ĝis 1948. En 2001 loĝis en la vilaĝo 2537 da homoj, (2351 hungaroj, 180 slovakoj).
Vidindaĵoj[redakti | redakti fonton]
- gotika katolika preĝejo omaĝe al Sankta Jakobo el la 14-a jarcento en vilaĝoparto Várkony, baldaŭe barokiĝis
- baroka preĝejo omaĝe al Sankta Triunuo de 1740
- kastelo de Pfeiffer de 1904, nun domo de gemaljunuloj
- skulptaĵo de Johano Nepomuka el la 1750-aj jaroj
Famuloj[redakti | redakti fonton]
En la iama Nyék naskiĝis hungara inĝeniero Zoltán Méhes.