Kosma vojaĝo

El Vikipedio, la libera enciklopedio
Salti al navigilo Salti al serĉilo
Kosma vojaĝo
Internacia afiŝo
Internacia afiŝo
Originala titolo Космический рейс
Produktadlando Sovetunio
Filmita en Sovetunio
Originala lingvo Rusa
Kina aperdato 1935
Daŭro 65 minutoj
Ĝenro Sciencfikcia filmo
Kameraado Aleksandr Galperin
Reĝisoro(j) Vasilij Ĵuravlov
Scenaro Aleksandr Filipov
Muziko V. Kruĉinin
Ĉefrolantoj Sergei Komarov · Sergej Stolarov
Produkto Mosfilm
IMDb
v  d  r
Information icon.svg

Kosma vojaĝo estas scienc-fiksia filmo pri flugo sur la Lunon, kreita en studio Mosfilm en 1935. Malgraŭ dato de sia apero, la filmo estis farita kiel muta (la sovetia kinoindustrio produktis mutajn fimojn ĝis la mezo de la 1930-aj jaroj, ĉar ili estis malpli multekostaj, ol la sonaj). De arta vidpunkto ĝi ne prezentas grandan intereson; la historio en ĝi estas ordinara kaj kliŝa por la sovetia scienc-fiksio de tiu tempo. Tamen, ĝi estas interesa kiel ekzemplo de frua filmo, demonstranta kosman flugon. En multaj detaloj ĝi similas filmon La virino sur la Luno (1929) de germana reĝisoro Fritz Lang, sed ĝi estas pli korekta science. Ĝia konsilisto estis Konstantin Ciolkovskij, kaj li kreis modelojn de du raketaj ŝipoj, demonstrataj en la filmo. Por montri senpezecon oni uzis kablojn, sur kiuj pendis aktoroj, kaj specialajn rivoluantajn dekoraciojn. Similian rimedon uzis poste Stanley Kubrick en 2001: A Space Odyssey. La astronaŭtoj sur la Luno moviĝas salte, same kiel tio okazis poste en la realeco. Por montri iliajn movojn, oni uzis pupan animacion.

La filmo estis tre populara siatempe kaj restis ununura sovetia SF-filmo pri kosmaj flugoj ĝis la fino de la 1950-aj jaroj.

En 2006 la filmo estis demonstrita en Moskvo en kinofestivalo de unuaj sovetiaj sciencfiksaĵoj, dediĉita al la 45-a datreveno de la flugo de Jurij Gagarin. La muzikon por ĉi tiu demonstro kreis populara bando Mumij Troll.

Nun oni povas spekti la filmon kun subtitoloj en Esperanto ĉe Goolge Video kaj elŝuti ĝin ĉe Rapidshare.com.

Ligiloj[redakti | redakti fonton]

Ĉi tiu artikolo estas verkita en Esperanto-Vikipedio kiel la unua el ĉiuj lingvoj en la tuta Vikipedia projekto.