Corbassière-Glaĉero
| Corbassière-Glaĉero | ||||
|---|---|---|---|---|
 |
||||
|
||||
| Estiĝloko | Grand Combin | |||
| Longeco | 9,8 km | |||
| Larĝeco | 1 km | |||
| Areo | 17,4 km² | |||
| Glacikvanto | 2 km³ | |||
| Elfluanto(j) | Torrent de Corbassière→ Dranse→Rodano |
|||
| Jara retiriĝo/kresko | ? m retiriĝo en 2007 | |||
| Glaĉeroj de Svislando | ||||
Corbassière-Glaĉero (france Glacier de Corbassière, germane Corbassièregletscher) estas valglaĉero en la Valezaj Alpoj. Kun longeco de 9,8 km, averaĝa larĝeco de 1 km kaj surfaco de 17,4 km² ĝi apartenas al la plej grandaj glaĉeroj de la Kantono Valezo.
Enhavo |
Priskribo [redakti]
Corbassière-Glaĉero havas sian originon je alteco de 4000 m s.m. je la norda deklivo de Grand Combin. Sur alteco de 3300 ĝis 3400 m s.m. situas tre vasta glaciareo kun tre malgranda deklivo, kies limon formas en okcidento la rokpintoj de Maisons Blanches (kun altecoj ĝis 3682 m s.m.). Poste la glaĉero fluas post malforta kurbiĝo norden. Ĝiajn flankojn formas nun en okcidento la pintoj de Combin de Corbassière (3716 m s.m.) kaj Petit Combin (3663 m s.m.) kaj en oriento Tournelon Blanc (3702 m s.m.) kaj Grand Tavé (3158 m s.m.). La glaĉerlango nuntempe finiĝas sur alteco de proksimume 2300 m s.m.
La degelakvo de Corbassière-Glaĉero fluas tra Torrent de Corbassière al la rivero Dranse de Bagnes, kiu tra la Val de Bagnes alfluas al Rodano.
Historio [redakti]
Post la kulmino de la Eta Glaciepoko en la mezo de la 19-a jarcento la glaĉero retiriĝis proksimume 1.5 km.
Altmontara Turismo [redakti]
Sur flanka moreno je la orienta bordo de la suba glaĉerparto situas la François-Xavier Bagnoud-Kabano en alteco de 2645 m s.m., kiu antaŭe nomigis Kabano de Panossière. Ĝi estas la elirpunkto por montgrimpadoj kaj glaĉerturoj en la regiono de la Grand Combin-Masivo.
