Hrobice (distrikto Zlín)

Por aliaj signifoj, bv. rigardi la apartigilan paĝon: Hrobice

Hrobice
germane Hrobitz
municipo
Kapelo de Virgulino Maria Sepdolora
Flago Blazono
Oficiala nomo: Hrobice
Deveno de nomo: De la homa nomo "Hrob" (tombo).
Lando	Ĉeĥio
Regiono	Regiono Zlín
Distrikto	Distrikto Zlín
Administra municipo	Vizovice
Historia regiono	Moravio
Parto de	Valaĥio
Montaro	Vizovica montetaro
Rivero	Dřevnice
Situo	Hrobice
- alteco	390 m s. m.
- koordinatoj	49° 16′ 34″ N 17° 47′ 27″ O (mapo)
Katastro	4,45 km² (445 ha) Hrobice na Moravě
Loĝantaro	464 (2024)
Denseco	104,27 loĝ./km²
Ĉefulo	Ing. František Gajdošík (2011)
Horzono	MET (UTC+1)
- somera tempo	MET (UTC+2)
Poŝtkodo	763 15
NUTS 3	CZ072
NUTS 4	CZ0724
NUTS 5	CZ0724 585262
Katastraj teritorioj	1
Partoj de municipo	1
Bazaj setlejunuoj	1
Situo enkadre de Ĉeĥio Situo enkadre de Ĉeĥio
Vikimedia Komunejo: Hrobice (Zlín District)
Retpaĝo: www.hrobice.cz
Portalo pri Ĉeĥio

Hrobice estas vilaĝo en Ĉeĥio, kiu situas en distrikto Zlín en regiono Zlín. En 2024 ĉi tie loĝis 464 loĝantoj. Ĉi tiu aŭtonoma vilaĝo situas sur monteto inter Slušovice kaj Lukov proksime de montaro Hostýnské vrchy. Plej proksimaj gravaj urboj estas Slušovice (3 km), Vizovice (8 km) kaj Zlín (10 km). Alteco de la vilaĝo fluktuas inter 350 ĝis 441 m s. m. Domareto Nové Dvory, kiu situas tuj apud la vilaĝo Březová ankaŭ apartas al Hrobice.

La nomo de la vilaĝo ne estas derivita el la ĉeĥa vorto "hrob" (tombo) sed de la familia nomo "Hrob" (kun sama signifo). Ankaŭ aliaj komprenigoj de la nomo ekzistas, sed ĉi tiu estas plej verŝajne vera.

La najbaraj municipoj de la setlejo estas Březová, Kašava, Ostrata kaj Trnava.

Historio

Vilaĝa administrejo kun sabloŝtona kruco

La unua noto pri la vilaĝo Hrobice devenas el jaro 1446. Dum la 16-a jarcento ekvenadis koloniantoj, kiuj alportis ĉeĥfratan eklezion, al kiu aliĝis preskaŭ ĉiuj loĝantoj. En la vilaĝo ekestis ĉeĥfrata preĝejo, kiu pli poste pereis danke al katolikaj loĝantoj. En jaro 1890 estis konstruita unuklasa lernejo.

Dum jaro 1912 komencis konstruado de baraĵo, el kiu post longa paŭzo estis en jaro pli poste uzita por akva rezervujo Slušovice, kiun oni finigis en 1975. Dum 1913 oni konstruis masonitan sonorilejon.

Dum 1959 kamparistoj de Hrobice devis alligi sin al unueca terkultura kooperativo Slušovice. Dum 70-aj jaroj oni malfondis lernejon pro la alligo de Hrobice al Slušovice. Aŭtonomio restariĝis en jaro 1990. Post tiam oni riparis vilaĝan administrejon, sonorilejon, kapelon kaj konstruaĵo de lernejo, kiun oni ŝanĝis al antaŭlernejo.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	394
1880	434
1890	426
1900	445
1910	464
1921	422

Jaro	Loĝantoj
1930	439
1950	434
1961	515
1970	486
1980	475
1991	433

Jaro	Loĝantoj
2001	449
2006	478
2014	480
2016	467
2017	457
2018	472

Jaro	Loĝantoj
2019	465
2020	459
2021	464
2022	457
2023	458
2024	464

Nuntempo

Fajrobrigadejo kun ligna skulptaĵo de la sankta Floriano

En la vilaĝo ekzistas volonta fajrobrigado, asocio de hobiaj ĝardenistoj, abelista asocio kaj ĉasista asocio. Ne nur ĉi tiuj grupoj ĉiujare organizas diversajn aranĝojn. Ekzemple gustumado de prunbrando, infana kostumbalo, Nikolaa diskoteko kaj renkonto de pli maljunaj loĝantoj.

En la vilaĝo oni subtenas popolajn tradiciojn, plej gravaj estas: trireĝa kolekto, festado de Karnevala tempo, "klabání" – knaboj iradas tra la vilaĝo kaj klakas per diversaj klakiloj por anstataŭi nesonorantaj sonoriloj kaj festado de la Pasko.

La vilaĝo ankaŭ eldonas sian propran informilon, kiu estas elŝutebla el la paĝaro de la vilaĝo.

Gravaj lokoj

• Sonorilejo el jaro 1913, kiu estas nacia kultura memorindaĵo
• Kapelo de Virgulino Maria Sepdolora el jaro 1993
• Infana ludparko konstruita en 2003
• Sabloŝtona kruco
• Fajrobrigadejo kun ligna skulptaĵo de la sankta Floriano
• Vojranda kruco en domaro Nové Dvory konstruita en 1993