Davao (urbo)

Davao
Devizo: Love, Peace, and Progress (amo, paco kaj progreso)
Administrado
Lando	Filipinoj
Regiono	Davaa Regiono
Provinco	Suda Davao
Urbestro	Rodrigo R. Duterte
Poŝtkodo	8000
Telefona antaŭkodo	82
Retpaĝaro	www.davaocity.gov.ph
Demografio
Loĝantaro	1.363.337
Loĝdenso	558 loĝ./km2
Geografio
Koordinatoj	07°04′20″N 125°36′25″O
Alto	22 m
Areo	2.443,61 km²
Horzono	UTC+8

Davao (oficiala nomo en la filipina lingvo: Lungsod ng Dabaw) estas grava urbo de la Filipinoj. Ĝi okupas la nordan parton de la provinco Suda Davao, sed estas administre memstara.

Davao estas la ĉefurbo de la filipina regiono Davao kaj la fakta ĉefurbo de insulo Mindanao, kvankam tian titolon ĝi jure ne posedas.

Kun areo de pli ol 2.400 km² ĝi estas la plej ampleksa urbo de la lando kaj unu el la plej ampleksaj de la mondo. Ĝi konsistas el 184 kvartaloj (baranggay). 40 el ili ne havas propran nomon, sed nur numeron (de 1 al 40).

Lingvoj

La lingvo precipe uzata estas la cebua, en kiu la urbo nomiĝas Dakbayan sa Dabaw. Oni uzas ankaŭ la tagalogan, la anglan kaj aliajn filipinajn lingvojn. La miksa lingvaĵo foje uzata, kiam parolantoj de la cebua kaj de la tagaloga interkomunikas, estas nomata bisalog ("bis" referencas al la familio de la bisajaj aŭ visajaj lingvoj).

Ĝemelecoj

Davao oficiale havas ok ĝemelecojn kun aliaj urboj kaj unu urban amikecon. La ĝemelaj urboj estas:

• Keelung en Tajvano
• Koror en Palaŭo
• Manado en Indonezio
• Manilo en Filipinoj
• Nanning en Ĉinio
• Tacoma en Usono
• San Juan (Filipinoj) en Filipinoj
• Vladivostoko en Rusio

Urba amikeco ekzistas inter Davao kaj Uijeongbu en Suda Koreio.