Granda egretardeo
 |
||||||||||||||
|---|---|---|---|---|---|---|---|---|---|---|---|---|---|---|
 |
||||||||||||||
| Biologia klasado | ||||||||||||||
|
||||||||||||||
| Konserva statuso | ||||||||||||||
|
|
||||||||||||||
| Ardea alba |
||||||||||||||
|
|
||||||||||||||
|
||||||||||||||
La granda egretardeo (Ardea alba) estas birdo el la ardeedoj kun grando de ĉ. 90 cm. Ĝia tuta plumaro estas brile neĝblanka. Ĝi estas pli granda ol la malgranda egretardeo, kiu same blankas. La granda egretardeo ne havas ornamplumojn, etendintajn malantaŭen.
Ĝia korpo estas svelta, la kolo estas tre longa, maldika S-formo. La bekofino de la maljunaj birdoj estas somere nigra, sed la subkola senpluma areo estas ankaŭ tiam verdflava. La kruroj kaj fingroj estas plene brunnigraj; dum kovado, la krurosupro estas oranĝruĝa.
La ŝiritaj ornamplumoj de la ŝultro troetendas la voston dum la kovada periodo. Tiujn delikatajn ornamplumojn daŭre perdas la birdoj dum la kovado. La beko de junuloj estas flava, ili ne havas ornamplumojn. Vintre, la beko de la maljunaj birdoj estas flava. La granda egretardo (simile al la aliaj ardeoj) flugas kun entirita kolo kaj etenditaj kruroj. La flugo estas facila, estima, la flugbatoj estas trankvilaj; tio ne estas konfuzebla kun flugo de iu alia birdo.
La same blanka malgranda egretardeo flugas per pli oftaj flugbatoj, havas kelkajn ornamplumojn sur la nuko kaj proksime estas bone videbla la flavaj fingroj.
Ĝi estas silentema birdo, malofte eligas la kurtan, laŭtan voĉon: ’’kra:h’’. ĝi vivas en ampleksaj, densaj fragmitejaj marĉoj, lagoj, fiŝlagoj. Ĝi konstruas la neston en fragmito, en kaŝita parto de la marĉo.
 |
Rilataj artikoloj troviĝas en Portalo pri Birdoj |
