Calvados

Calvados
departemento de Francio
Administrado
Lando	Francio
Regiono	Malsupra Normandio
Numero	14
Prefektejo	Caen
Subprefektejoj	Bayeux; Lisieux; Vire
Prezidanto de la; departementa konsilio	Jean-Léonce Dupont
Prefekto	{{{prefekto}}}
Statistikaĵoj
Loĝantaro	700 633 (2021)
Areo	5 548 km²
Loĝdenso	126 /km²
Subdividoj
Arondismentoj	4
Kantonoj	49
Komunumaroj	37
Komunumoj	706
	v • d • r

Reviziita versio de ĉi tiu paĝo, aprobita je 27 mar. 2015, estis bazita sur ĉi tiu versio.

Calvados (franca elparolo: [kalvados]) estas departemento de la franca regiono Malsupra Normandio. Ĝi etendiĝas sur 5 547,9 km² kaj havis 686 200 loĝantojn en 2012^[1].

Ĝia plej granda urbo estas Caen. Aliaj urboj estas Bayeux, Lisieux, Vire, Falaise, Hérouville-Saint-Clair. La departemento havas 705 komunumojn.

Geografio

Calvados estas parto de la regiono Malsupra Normandio. Ĝi estas lima de la departementoj Eure oriente, Orne sude kaj Manche okcidente. Norde estas la Manika Markolo.

Historio

La departemento estis kreita dum la Franca Revolucio, je la 4a de marto 1790, per uzado de la leĝo de la 22a de decembro 1789, el parto de la provinco de Normandio. Oni pensis nomi ĝin Malsupra Orne (Orne-Inférieure), antaŭ ol elekti la nunan nomon.

Legendo rakontas ke la vorto Calvados referas al la nomo de rokoj norde de Arromanches, pro kiuj dronis la ŝipo Salvador (nomo kiu iĝus Calvados per kelkaj lingvaj modifoj). La ŝipo Salvador estis unu el la Hispana Ŝiparo. Sed ŝajnas, pli simple, ke tiu nomo elvenas el la du dorsoj (dorsa en latino signifas kreskejo) kiuj estis kiel limŝtonoj al la ŝipistoj, kaj kiuj ŝajnas senharaj (calva en la latina) rilate al iliaj maldensaj vegetaĵaroj.

Je la 6-a de junio 1944, dum la dua mondmilito, alvenis tra la plaĝoj de Calvados anglaj, usonaj, kanadaj, polaj kaj francaj militistoj. Dum la sekvaj monatoj, ili liberigis la nordan parton de Francio.