Laponia milito

El Vikipedio, la libera enciklopedio
Saltu al: navigado, serĉo
Germana retiriĝo el Finnlando.
Detruita vilaĝo Ivalo.

Laponia milito estas parto de Dua mondmilito kaj ĝi okazis inter Finnlando kaj Germanio de 15-a de septembro 1944 ĝis 27-a de aprilo 1945.

Kiam Finnlando faris armisticon kun Sovetio la 4-an de septembro 1944 inter punktoj estis forpelo de germanaj trupoj el Finnlando. Germanaj trupoj troviĝis en norda parto de Finnlando. Komence ne temis pri vera milito, ĉar germanaj trupoj retiriĝis dum finnaj trupoj etendiĝis. Germanoj transportis la civilan loĝantaron al Svedio.

Tamen Sovetaj aŭtoritatuloj volis, ke finnoj komencu verajn militajn agojn kontraŭ germanoj. Finnaj trupoj atakis al Tornio la 28-an de septembro kaj vera milito komenciĝis. Por puni la atakojn germanaj trupoj forbruligis plejparton el konstruaĵoj de Laponio. Finnaj trupoj kaptis grandan parton el suda Laponio dum la aŭtuno, sed dum la vintro 1944-1945 la fronto stabiliĝis en nord-okcidenta parto de Finnlando. Germanaj trupoj lasis la teritorion de Finnlando ĉe Kilpisjärvi la 28-an de aprilo 1945.

Finnaj trupoj en Laponia milito.
Starigo de Finna flago en landlima punkto de tri ŝtatoj.