Reptilioj

Reptilioj

Troveblo de fosilioj: Karbonio - ĉi-epoko

Tuatara, Sphenodon punctatus

Biologia klasado

Regno:	Animaloj Animalia
Filumo:	Ĥorduloj Chordata
Subfilumo:	Vertebruloj Vertebrata
Infrafilumo:	Makzeluloj Gnathostomata
Superklaso:	Kvarpieduloj Tetrapoda
Grandklaso:	Amniuloj Amniota
Klaso:	Reptilioj Reptilia Laurenti, 1768

v • d • r

Reptilioj ( Reptilia ) estis klaso de vertebruloj, kun ŝanĝiĝanta korpotemperaturo, spirantaj per pulmoj. Kelkaj estas senpiedaj, aliaj posedas kvar mallongajn krurojn, tial ili rampas ĉe la tero kaj estas komunuze nomataj rampuloj pro ĉi tiu kvalito. Reptilihaŭto estas seka kun malgranda nombro da glandoj, epidermo tre korniĝinta; ĝi estas ŝatata por produktado de valizoj.

Reptilioj estas tetrapodoj kaj amniuloj, bestoj kies embrion ĉirkaŭas amnia membrano, kaj membroj de la klaso Sauropsida. Hodiaŭ ilin reprezentas kvar travivintaj ordoj:

Krokodiluloj Crocodilia (krokodilo, gavialoj, kajmanoj kaj aligatoroj): 23 specioj
Sfenodontuloj Sphenodontia (sfenodontoj de Nov-Zelando): 2 specioj
Skvamuloj Squamata (lacertoj, serpentoj kaj amfisbenoj amphisbaenia): ĉ. 7900 specioj
Testuduloj Testudines (testudoj kaj kelonioj): ĉ. 300 specioj

Kiam oni konsideras la evoluon de reptilioj ("rampuloj"), estas pli logike grupigi ilin en:

Grupo 1 (testud-devenaj):

Testuduloj (testudoj);

Grupo 2 (lacert-devenaj):

Lacertojn (igvanoj, etaj lacertoj, kameleonoj/ĥameleonoj, serpentoj, ktp);
Krokodiluloj (krokodiloj, aligatoroj, gavialoj) kune kun Birdoj.

Klasigo [redakti]

Blue, la aro de la reptilioj.

La reptilioj estas parafiletika aro. Tio signifas, ke ĝi ne enhavas prapaton kaj ĉiujn ties idojn, ĉar en ili estas la birdoj. Male ĝi estas evolua grado, kuniĝante uloj kiuj intersimilas forme kaj ekologie. Ili do ne estas aro rigardata en arkreskiĝa klasigo. Kun la birdoj, ili estas la klado Sauropsida.

Klasigo ĝis la nivelo de ordoj, laŭ Benton 2004:

Serio Amniuloj Amniota
- Klaso Sinapsidoj Synapsida
  - Ordo Pelycosauria *
  - Ordo Terapsidoj Therapsida
    - Klaso Mamuloj Mammalia
- Klaso Reptilioj Sauropsida
  - Subklaso Anapsidoj Anapsida
    - Ordo Testuduloj Testudines
  - Subklaso Diapsidoj Diapsida
    - Ordo Araeoscelidia
    - Ordo Younginiformes
    - Infraklaso Fiŝosaŭroj Ichthyosauria
    - Infraklaso Lepidosaŭromorfoj Lepidosauromorpha
      - Superordo Saŭropterigoj Sauropterygia
        
        Ordo Plakodontoj Placodontia
        
        Ordo Notosaŭroideoj Nothosauroidea
        
        Ordo Pleziosaŭruloj Plesiosauria
      - Superordo Lepidosaŭroj Lepidosauria
        
        Ordo Sphenodontida (tuatara)
        
        Ordo Skvamuloj Squamata (lacertuloj k serpentoj)
    - Infraklaso Arkosaŭromorfoj Archosauromorpha
      - Ordo Prolacertoformaj Prolacertiformes
      - Divizio Arkosaŭroj Archosauria
        
        Subdivizio Crurotarsi
        
        Superordo Krokodilomorfoj Crocodylomorpha
        
        Ordo Krokodiluloj Crocodylia
        
        Subdivizio Avemetatarsalia
        
        Infradivizio Ornitodiroj Ornithodira
        
        Ordo Flugsaŭroj Pterosauria
        
        Superorder Dinosaŭroj Dinosauria
        
        Ordo Saŭriskioj Saurischia
        
        Klaso Birdoj Aves
        
        Ordo Ornitiskioj Ornithischia

Lamarko [redakti]

Lamarko konsideris la reptiliojn (li inkludis amfibiojn ene de la sama grupo) kiel dekdua klaso de organizo de animaloj el la plej simplaj (senvertebruloj) al la plej perfekta (la homo). Li difinis la reptiliojn kiel la unua grupo kun spirado per pulmoj, kvankam ankoraŭ kun malvarma sango, kiel la proksima grupo de fiŝoj, pli proksima al senvertebruloj.