Benoît Hamon
Benoît Hamon (naskiĝis la 26-an de junio 1967[2] en Saint-Renan (Finistère)) estas franca politikisto. Eksa membro de la Eŭropa Parlamento, li estis proparolanto de la Socialista Partio de 2008 ĝis 2012 kaj regiona konsiliano de Francilio ekde 2010.
La 16-an de majo 2012, li estis nomumita ministro delegita al sociala kaj solidara ekonomio kaj konsumado ĉe Pierre Moscovici, ministro pri ekonomio kaj financoj en la 1-a registaro de Jean-Marc Ayrault, li fariĝis ministro delegita al sociala kaj solidara ekonomio kaj konsumado en la 2-a registaro de Jean-Marc Ayrault. En junio de 2012, li estis elektita deputito de la 11-a distrikto de Yvelines. La 2-an de aprilo 2014, li estis nomumita ministro pri nacia edukado, supera instruado kaj esplorado en la 1-a registaro de Manuel Valls[3].
Biografio
[redakti | redakti fonton]Benoît Hamon naskiĝis de patrino sekretario kaj de patro inĝeniero, kiu en sia tuta kariero laboris en la arsenaloj[4] de la Direkcio de la marŝipaj konstruadoj (DCN) de Brest[5].
Li unue vivis strato Véronèse en Brest, poste de 1976 ĝis 1980, li ekloĝis kun siaj gepatroj en Dakar en Senegalio. Li revenis al Bretonio post divorco de siaj gepatroj.
Post akiro de licenco pri historio en la Universitato de Brest[5], li komencis sian karieron kiam 24-jara en 1991 kiel parlamenta asistanto de la (rokardana) deputito PS Pierre Brana de Ĝirondio. Li fariĝis la unua prezidanto de la Movado de Junaj Socialistoj refondita en 1993.
Li estis municipa konsiliano de Brétigny-sur-Orge (Essonne) de 2001 ĝis 2008 kaj eŭropa parlamentano de junio 2004 ĝis junio 2009, por la orienta distrikto[6].
Benoît Hamon estas, ekde oktobro 2008, membro de la estraro de universitato Parizo 8, unu el la posteuloj de la antaŭa universitato de Parizo, kiel « ekstera eminentulo »[7]. De septembro 2009, li instruas en tiu universitato, kiel asociita profesoro pri internaciaj organizaĵoj kaj la decidaj procezoj en la Eŭropa Unio.
Proparolanto de la Socialista Partio
[redakti | redakti fonton]La 6-an de decembro 2008, li estis nomumita de la nova ĉefsekretario de la Socialista Partio Martine Aubry, proparolanto de la partio, anstataŭ Julien Dray.
Li estis elektita regiona konsiliano de Francilio okaze de la regionaj balotoj de 2010.
Ministro en la registaroj de Jean-Marc Ayrault
[redakti | redakti fonton]La 16-an de majo 2012, li estis nomumita ministro delegita al sociala kaj solidara ekonomio kaj konsumado ĉe Pierre Moscovici, ministro pri ekonomio, financoj kaj komerco en la 1-a registaro de Jean-Marc Ayrault. Li estis anstataŭita de David Assouline, Guillaume Bachelay kaj Charlotte Brun kiel proparolanro de la Socialista Partio[8], poste ekde julio 2012, de la sola David Assouline.
Benoît Hamon estis elektita deputito en la 11-a distrikto de Yvelines okaze de la deputitaj balotoj de 2012. En la dua balotvico, li venkis per 55,38 % de la voĉoj kontraŭ Fourgous (44,62 %)[9].
Ministro de la 1-a registaro de Manuel Valls
[redakti | redakti fonton]La 2-an de aprilo 2014, li estis nomumita ministro pri nacia edukado, supera instruado kaj esplorado en la 1-a registaro de Manuel Valls. Li forlasis tiun postenon, unu semajnon antaŭ la lerneja sezono.
Li estis elektita per la municipaj balotoj de 2014 en Yvelines, municipa konsiliano de Trappes kaj komunumara konsiliano de la aglomera komunumaro Saint-Quentin-en-Yvelines (Casqy). Li estis elektita deputito la 17-an de junio 2012, en la 11-a distrikto de Yvelines, sed pro sia nomumo al la registaro, forlasis sian seĝon al sia anstataŭanto Jean-Philippe Mallé.
Politikaj pozicioj
[redakti | redakti fonton]Benoît Hamon aktivas por forta intervenismo de la ŝtato en ekonomio. Li aparte proponis la ŝtatigon de la bankoj por konsistigi publikan financan instancon, kaj je la eŭropa nivelo, pledis por plistriktigo de la libera komerco[10].
La 22-an de novembro 2010, la pensfabriko Terra Nova (proksima al PS kaj al multaj membroj de la Socialista Partio) publikigis la dokumenton Lupatrinoj : etendo de la alipropreco. Benoît Hamon partoprenis en la pripensa grupo, origine de la dokumento, kiu oponas al la propono limigi lupatrinecon per leĝo[11].
Bibliografio
[redakti | redakti fonton]- 2004: Au cœur de la gauche – Éléments pour un projet politique (kunredaktita kun Vincent Peillon kaj Arnaud Montebourg), eld. "Éditions Le Bord de l'eau".
- 2011: Tourner la page – Reprendre la marche du progrès social, eld. "Flammarion".
Notoj kaj referencoj
[redakti | redakti fonton]- ↑ Konsumado estis aldonita ekde la 21-a de junio 2012
- ↑ france Autorité BnF
- ↑ Royal, Montebourg, Hamon... la riskoplena ekvacio de Manuel Valls, gazeto Le Monde, la 2-an de aprilo 2014.
- ↑ Benoît Hamon, Sous les pavés, la grève Arkivigite je 2013-06-30 per Archive.today, gazeto Paris Match, la 12-an de aŭgusto 2009, alirita al "www.parismatch.com" la 3-an de januaro 2013.
- ↑ 5,0 5,1 Michel Revol (9‑a de aŭgusto 2007). Le frondeur du PS. Le Point. Arkivita el la originalo je 2016-03-04. Alirita 2014-10-01 .
- ↑ Listoj de PS por la eŭropaj balotoj de 2004.
- ↑ « Benoît Hamon en Parizo 8 » Arkivigite je 2014-04-16 per la retarkivo Wayback Machine, la 10-an de oktobro 2008.
- ↑ David Assouline, Guillaume Bachelay kaj Charlotte Brun, novaj proparolantoj de PS. Socialista Partio (la 22-an de majo 2012). Arkivita el la originalo je 2012-05-25. Alirita 2014-10-01 .
- ↑ Rezultoj de la deputitaj balotoj de 2012 : YVELINES (78) - 11-a distrikto. ministère de l'Intérieur.
- ↑ Unmondedavance.eu Arkivigite je 2008-10-19 per la retarkivo Wayback Machine.
- ↑ René Frydman kaj Olivier Lyon-Caen, Lupatrinoj : etendo de la alipropreco Arkivigite je 2019-03-08 per la retarkivo Wayback Machine, pensfabriko "Terra Nova", la 22-an de novembro 2010
Vidu ankaŭ
[redakti | redakti fonton]- Listo de franciaj ministroj pri edukado
- Listo de francaj ministroj pri konsumado
- Prezidanta baloto de 2017 en Francio
Eksteraj ligiloj
[redakti | redakti fonton]- Blogo de Benoît Hamon
- Interretejo « Un monde d'avance » Arkivigite je 2009-02-02 per la retarkivo Wayback Machine
- Lia slipo en la interretejo de la Eŭropa Parlamento Arkivigite je 2014-04-09 per la retarkivo Wayback Machine
| ||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||
| ||||||
- Webarchive template archiveis links
- Vivantaj homoj
- Viroj
- Naskiĝintoj en 1967
- Naskiĝintoj la 26-an de junio
- Homoj de PS (Francio)
- Prezidantoj de la franca Movado de Junaj Socialistoj
- Membroj de la Eŭropa Parlamento elektitaj en Francio 2004-2009
- Eŭropaj parlamentanoj de frakcio Partio de Eŭropaj Socialdemokratoj 2004-2009
- Regionaj konsilianoj de Francilio
- Deputitoj de Yvelines
- Naskiĝintoj en Finistère
- Studentoj de universitato de Brest (Francio)
- Instruistoj de Universitato Parizo 8
- Deputitoj de la 14-a parlamenta periodo de la kvina Franca Respubliko
- Francaj ministroj pri nacia edukado
- Francaj ministroj pri esplorado
- Francaj ministroj pri konsumado
- Kandidatoj de franca prezidenta baloto