Nazurso
La nazurso (aŭ nazuo, nasuo aŭ koatio) estas genro (Nasua) de procionedo (Procyonidae), kiu vivas en Mezameriko kaj Sudameriko. La vorto koatio devenas el indiĝena lingvo.
Priskribo
La nazurso havas flekseblan, rostoforman nazon. Pliaj karakterizaĵoj estas la malgrandaj oreloj, la mallonga felo kaj la longa, dikfela vosto, kiun ili ofte starigas. Alie ol la noktaktivaj procionedoj estas la nazursoj tagaktivaj.
Habitato
La nazursoj vivas sur la amerika kontinento, de la sudo de Usono ĝis Argentino. Ili ne estas elektemaj pro sia habitato, tial ili troviĝas en pluvarbaroj kaj ĉe la limoj de dezertoj. Plej ili ŝatas arbarojn.
Nutraĵo
Ili estas ĉiomanĝantoj, tamen ili preferas viandon, ekzemple birdojn.
Generado
Femaloj kaj idoj vivas kune en grupoj sed la maskloj vivas solaj. Ĉe pariĝa sezono la masklo proksimiĝas sin al femalgrupo. Per felflegado ĝi petas pro pariĝo. Poste ĝi forpeliĝas. La femaloj estas gravedaj dum ĉirkaŭ 75 tagoj kaj naskas 3-6 idojn.
Specioj
Distingiĝas tri specioj:
- blankanaza koatio - Nasua narica ; ĝi troviĝas en la Verakrucaj humidaj arbaroj;
- longnaza nazuo - Nasua nelsoni
- ruĝa nazuo - Nasua nasua
Vidu ankaŭ
Ekzistas plia nazurso, la montara nazurso (Nasuella olivacea), kiu vivas nur en la valoj de la Andoj kaj tiu nazurso apartenas al la propra genro Nasuella.