Leopardo

El Vikipedio, la libera enciklopedio
Saltu al: navigado, serĉo
Vikipedio:Kiel legi la taksonomionKiel legi la taksonomion
Leopardo
Afrika leopardo en Kenjo
Afrika leopardo en Kenjo
Biologia klasado
Regno: Animaloj Animalia
Filumo: Ĥorduloj Chordata
Klaso: Mamuloj Mammalia
Ordo: Karnovoroj Carnivora
Familio: Felisedoj Felidae
Genro: Panteroj Panthera
Panthera pardus
(Linnaeus, 1758)
Konserva statuso
{{{220px}}}
Konserva statuso: Malplej zorgiga[1]
Leopard distribution.gif
Sinonimoj
Felis pardus Linnaeus, 1758
Aliaj Vikimediaj projektoj
v  d  r
Information icon.svg

Leopardo (Panthera pardus) estas granda katsimila karnovorulo, felisedo, kun flava diversnuanca hararo kun nigra desegno konsistanta el plenrondaj makuloj kaj rozoj, ŝatata kiel pelto. Ĝia nigra varianto estas kutime nomata pantero.

Priskribo[redakti | redakti fonton]

Oranĝflava, kun nigraj makuloj kaj ringaj strioj sur la korpo, ĝi similas al tigro, sed estas malpli granda ol ĝi. Ĝi longas 90-150 centimetrojn kaj pezas ĉirkaŭ 90 kilogramojn.

Disvastiĝo[redakti | redakti fonton]

Ĝi troviĝas ĉie en Azio kaj Afriko. La leopardoj vivas ordinare en arbaroj kaj ĝangaloj, kaj kelkfoje sur stepoj kun arbustoj. En Ĉinio ili vivas precipe en montregionoj.

La specio estas disvastiĝinta i.a. en jenaj ekoregionoj : la angolaj mopanearoj, la centra-hindoĉinaj sekaj arbaroj, la elborz-montara arbarstepo, la etoŝa-salebenaĵaj halofitaroj, la gŭiĝoŭ-altebenaĵaj foliaj kaj miksaj arbaroj, la himalajaj subtropikaj pinaroj, la knajsnaj-amatolaj montarbaroj, la nord-konga arbara-savana mozaiko, la okcident-sudana savano, la orient-sudana savano, la sudokcident-ghataj montaraj pluvarbaroj, la sud-anatolaj koniferaj kaj deciduaj montarbaroj, la tenaserimaj-sudtajlandaj kvazaŭĉiamverdaj pluvarbaroj kaj la zagros-montara arbarstepo.

Vivmaniero[redakti | redakti fonton]

La leopardoj vivantaj en arbaroj kutime sin kaŝas inter densaj arbedoj kaj herboj, kaj tiuj vivantaj en montregionoj loĝas en rokkavernoj. Ili estas fortaj, kuras rapide kaj lertas en saltado kaj grimpado. Ŝirmate de arboj kaj herboj ili ofte faras surprizatakon al malgrandaj bestoj. Kvankam negrandaj, ili tamen povas mordmortigi grandajn herbovorajn bestojn, kia cervo. La leopardoj povas tiri supren sur arbon ĉasaĵon eĉ pli pezan ol si mem. Iafoje ili kaŝas restintan ĉasaĵon, por ke ŝakaloj kaj hienoj ne povu atingi ĝin.

Leopardoj kutime aktivadas nokte, ripozas tage kaj viglas frumatene kaj vespere. Ili estas furiozaj kaj singardemaj, malofte eligas sonon. Ili aktivadas unuope aŭ páre. Kaj kelkiam 4-6 kune agas laŭ familia sistemo. La leopardino ĝenerale naskas 2-3 idojn ĉiufoje; la gravedeco daŭras 98-105 tagojn. Iam inter tiuj idoj aperas alia specio de leopardo, kiu tutkorpe estas nigra, kun nigraj makuloj rnalfacile rimarkeblaj. Ĝenerale la leopardo havas verdajn okulojn, tamen la nigra leopardo bluajn okulojn. La nigraj leopardoj vivas ĉefe en humidaj arbaroj de sudorienta Azio.

Bildgalerio[redakti | redakti fonton]

Notoj[redakti | redakti fonton]

  1. Cat Specialist Group (2002). Panthera pardus. Internacia Ruĝa Listo de Endanĝeritaj Specioj, eldono de 2006. IUCN 2006. Elŝutita 12-a de majo 2006.

Eksteraj ligiloj[redakti | redakti fonton]