Esperanto Nederland

Emblemo de Esperanto Nederland

Esperanto Nederland estas la nomo de la tutlanda Esperanto-asocio de Nederlando, kiu estas landa asocio ligita al UEA.

Eldonado

Membroj de Esperanto Nederland ricevas dumonatan asocian gazeton, kiu komence, de 1994 ĝis almenaŭ 2010, nomiĝis FEN’X (prononco [FENiks]), kiel aludo al la origina asocia mallongigo FEN kaj al la mitologia birdo Fenikso, kiu ĉiun kvinan jaron bruliĝas kaj rejuniĝinta leviĝas el sia cindro. De plej malfrue la jaro 2014 ĝi simple nomiĝas Fenikso.

Estraro

En 2016, la estraro de Esperanto Nederland estas:

• Prezidanto, instruado: Rob Moerbeek
• Sekretario, ĝemelaj urboj: Pieter Engwirda
• Membro-administranto: Remment Balk
• Kasisto: Loes Demmendaal
• Informado kaj informmaterialo: Ineke Emmelkamp

Historio

Esperanto Nederland estiĝis en 1994, unue per formala nomo “Federacio Esperantista de Nederlando„ (FEN), el fuzio de Nederlanda Esperanto-Asocio kaj Federacio de Laboristaj Esperantistoj. Kelkajn jarojn poste aliĝis ankaŭ NGGE (Nederlanda Grupo de Geinstruistoj pri Esperanto), la nederlanda branĉo de ILEI, kaj KUNE (Kristana Unuiĝo de Nederlandaj Esperantistoj), la nederlanda branĉo de IKUE. Per tio la nederlanda movado supervenkis la malnovan disiĝon socian, kiu estis ŝajne tipa por Nederlando. Komence de la 2000-aj jaroj la nomo estis ŝanĝita al Esperanto Nederland, en deziro havi ne du malsamajn nomojn en la nederlanda kaj en Esperanton, sed komunan nomon kompreneblan en ambaŭ lingvoj.

Eksteraj ligiloj

• la asocia retejo esperanto-nederland.nl (nederlande kaj esperante)
• pluraj numeroj de la asocia gazeto Fenikso ekde la jarokolekto 2008, komplete elŝuteblaj en formato PDF (esperante)