Nordorient-kongaj malaltaĵaj arbaroj
| Nordorient-kongaj malaltaĵaj arbaroj | |
|---|---|
| ekoregiono | |
 | |
| ekoregiono laŭ Monda Natur-Fonduso [+] | |
| Supermara alteco | 550 m [+] |
| Koordinatoj | 2° 12′ 0″ N, 25° 42′ 0″ O (mapo)2.225.7Koordinatoj: 2° 12′ 0″ N, 25° 42′ 0″ O (mapo) [+] |
| Akvokolektejo | 531 067 km² (53 106 700 ha) [+] |
| Areo | 531 067 km² (53 106 700 ha) [+] |
 |
|
| Nordorient-kongaj malaltaĵaj arbaroj | |
La nordorient-kongaj malaltaĵaj arbaroj estas tersupraĵa ekoregiono el la afrik-arbara ekoprovinco de la afrotropisa ekozono laŭ la tipologio de la Monda Natur-Fonduso (WWF). Biome la ekoregiono apartenas al tropikaj kaj subtropikaj humidaj foliarbaroj de Demokratia Respubliko Kongo kaj de Centrafrika Respubliko. Ĝi kongruas kun la tutmondaj 200-regiono nomata "nordorient-kongaj humidaj arbaroj".
Priskribo
[redakti | redakti fonton]La ekoregiono situas en la nordorienta parto de Kongo Kinŝasa kaj etendas sin en la sudorienton de Centrafrika Respubliko. La ekoregiono okupas proksimume triangulan areon kiu subtenas malaltaĵan kaj submontaran pluvarbaro-vegetaĵaron. Ĉe la norda limo la arbaro transiras al savano kaj duonarbaro. Oriente la ekoregiono limtuŝas la Albert-riftajn montarbarojn, sude kaj okcidente la limoj estas Kongo-Rivero kaj ĝiaj alfluantoj, precipe Elila-Rivero.
Klimate, la ekoregiono situas ene de la humidaj tropikoj. La jaraj averaĝaj pluvofaloj sumiĝas inter 1 500 milimetroj kaj 2 000 milimetroj. La precipitaĵo estas sezona kun klare markata seka sezono de januaro al marto. La plej alta pluvofalo okazas ĉe la pli malaltaj altitudoj de la okcidenta parto. La pluvfala niveloj malpligrandiĝas irante orienten kiam la altitudo pli altiĝas direkte al Albert-Rifto. La averaĝa jara temperaturo estas inter 27°C kaj 33°C kaj la averaĝa minimumo estas inter 15°C kaj 21°C, kun variado depende de la altitudo.
Flaŭro
[redakti | redakti fonton]Kvankam la plimulto de la areo estas kovrata per miksspecia humida ĉiamverda kaj kvazaŭ-ĉiamverda pluvarbaro, unuspecie dominata arbaro ankaŭ sufiĉe etarbarere ekzistas. La plej komuna unuspecia arbarero konsistas plejofte el Gilbertiodendron dewevrei, kiu ankaŭ konstituas tiajn arbarerojn en aliaj ekoregionoj de la Kongaj arbaroj.
Vidu ankaŭ
[redakti | redakti fonton]- Ekologia klasifiko de la tersupraĵoj
- Konservada stato de ekoregiono
- Listo de ekoregionoj en Demokratia Respubliko Kongo
Eksteraj ligiloj
[redakti | redakti fonton]
- angle Ekoregiono AT0124 : Nordorient-kongaj malaltaĵaj arbaroj (WWF)
- angle Nordorient-kongaj malaltaĵaj arbaroj (WWF-Wildworld)
- angle Nordorient-kongaj malaltaĵaj arbaroj (Wildworld) - Nacia Geografia Societo
- angle Nordorient-kongaj malaltaĵaj arbaroj (The Encyclopedia of Earth)
- angle Nordorient-kongaj malaltaĵaj arbaroj (Globalspecies) Arkivigite je 2016-03-07 per la retarkivo Wayback Machine
- angle Situo de la ekoregiono : tajpu Northeastern Congolian lowland forests
- angle Tutmondaj 200; n-ro 4 Nordorient-kongaj humidaj arbaroj (WWF) Arkivigite je 2017-01-31 per la retarkivo Wayback Machine