Centra-kongaj malaltaĵaj arbaroj

El Vikipedio, la libera enciklopedio
Jump to navigation Jump to search
Aerfoto de Lukeni-Rivero dum ĝi meandras tra la centra-kongaj malaltaĵaj arbaroj.

La centra-kongaj malaltaĵaj arbaroj estas tersupraĵa ekoregiono el la afrik-arbara ekoprovinco de la afrotropisa ekozono laŭ la tipologio de la Monda Natur-Fonduso (WWF). Biome la ekoregiono apartenas al tropikaj kaj subtropikaj humidaj foliarbaroj de Kongo Kinŝasa. Ĝi konstituas kune kun la orient-kongaj marĉarbaroj, la tutmondaj 200-regionon nomatan "centra-kongaj humidaj arbaroj".

Tio estas malproksima, nealirebla areo de malaltaĵa densa humida arbaro, subarbaraĵo kaj marĉo en la centra-basena regiono (france : Cuvette Centrale) de la Kongo-Baseno sude de la arko de la Kongo.

Flaŭro[redakti | redakti fonton]

La nordokcidenta parto de la ekoregiono estas mozaiko de sezone inundita kaj daŭra marĉarbaro kun miksaj fim-grundaj ĉiamverdaj kaj kvazaŭĉiamverdaj pluvarbareroj laŭlonge de altaĵetoj. Ĉiamverdaj humidaj arbaroj estas dominataj de Gilbertiodendron dewevrei ( fabacoj ). Areoj de sezone inunditaj arbaroj kaj multaj sufiĉe vastaj senarbejoj troviĝas laŭlonge de la ĉefaj riveroj en la nordaj, orientaj, kaj okcidentaj partoj. Sude la arbaroj estiĝas pli sekaj kaj ekzistas transiro al periferia kvazaŭĉiamverda pluvarbaro, kaj finfine mozaiko de malsupra-gvinea humida arbaro kaj herbejoj. Kvazaŭdecidua arbaro kovras preskaŭ ĉiujn areojn inter la ĉefaj rivero-sistemoj, kaj estas karakterizita de Staudtia stipitata, Polyalthia suavaeoleus, Scorodophloeus zenkeri, Anonidium mannii kaj Parinari glaberrimum.

Faŭno[redakti | redakti fonton]

La regiono estis nesufiĉe esplorita fare de zoologoj sed oni scias ke ĝi hejmas antilopojn, arbarelefantojn, kaj plurajn primatojn, inkluzive de la malofta bonobo (Pan paniscus), Cercopithecus neglectus, Lophocebus spp. kaj la okcidenta gorilo. Ekzistas nur unu konata strikte endemia mamulo, la drias-simio (Cercopithecus dryas). Aliaj preskaŭ-endemiaj mamuloj inkludas or-ventran cerkokebon (Cercocebus chrysogaster), okapion (Okapia johnstoni) [1], nigraverdan alenopitikon (Allenopithecus nigroviridis), okcidentan krosarĥon (Crossarchus ansorgei) [2], Procolobus tholloni kaj Volf-cerkopitekon (Cercopithecus wolfi).

Ekzistas du birdospecioj kiuj estas preskaŭ-endemiaj en la ekoregiono, konga pavo (Afropavo congensis) kaj flavkrura malimbo (Malimbus flavipes).

Minacoj kaj konservado[redakti | redakti fonton]

La arbaro restas plejparte sendifekta ĉar homa loĝantaro estas limigita al malgrandaj komunumoj kiuj ĉasas kaj fiŝas laŭlonge de la multaj riveroj kiuj traiksas tiun malproksiman, marĉan regionon. Tamen multaj bestoj estas minacataj kaŭze de ŝtelĉasado, kaj iliaj movadoj estas restriktitaj de la reto de akvovojoj. Dume Salonga Nacia Parko estas vasta protektita areo ene de la regiono, unu el la plej grandaj naciaj parkoj en la mondo, kaj la dua plej granda tropik-arbara nacia parko en la mondo.

Urbaj areoj kaj setlejoj[redakti | redakti fonton]

La ekoregiono estas malproksima kaj malabunde loĝata, ekzistas kelkaj riverbordaj komercejoj kaj vilaĝoj kiel ekzemple Ikela sed aliro al tiu areo estas malfacila (kun trunkoboato) kaj/aŭ multekosta (ekzistas flughavenaj kurejoj proksime de Salonga Nacia Parko).

Referencoj[redakti | redakti fonton]

Vidu ankaŭ[redakti | redakti fonton]


Afrotropisaj tropikaj kaj subtropikaj humidaj foliarbaroj
AT0101 Albert-riftaj montarbaroj Flago-de-Burundo.svg Burundo, Flago-de-Kongo-Kinŝasa.svg Demokratia Respubliko Kongo, Flago-de-Tanzanio.svg Tanzanio, Flago-de-Ruando.svg Ruando, Flago-de-Ugando.svg Ugando
AT0102 Atlantik-marbordaj ekvatoraj arbaroj Flago-de-Angolo.svg Angolo, Flago-de-Ekvatora-Gvineo.svg Ekvatora Gvineo, Flago-de-Gabono.svg Gabono, Flago-de-Kameruno.svg Kameruno, Flago-de-Kongo-Brazavila.svg Respubliko Kongo, Flago-de-Kongo-Kinŝasa.svg Demokratia Respubliko Kongo
AT0103 Kamerunaj montarbaroj Flago-de-Kameruno.svg Kameruno, Flago-de-Niĝerio.svg Niĝerio
AT0104 Centra-kongaj malaltaĵaj arbaroj Flago-de-Kongo-Kinŝasa.svg Demokratia Respubliko Kongo
AT0105 Komoraj arbaroj Flago-de-la-Komoroj.svg Komoroj
AT0106 Kros-niĝeraj transiraj arbaroj Flago-de-Niĝerio.svg Niĝerio
AT0107 Marbordaj arbaroj de Kros-Sanago-Bioko Flago-de-Ekvatora-Gvineo.svg Ekvatora Gvineo, Flago-de-Kameruno.svg Kameruno, Flago-de-Niĝerio.svg Niĝerio
AT0108 Orientafrikaj montarbaroj Flago-de-Kenjo.svg Kenjo, Flago-de-Sud-Sudano.svg Sud-Sudano, Flago-de-Tanzanio.svg Tanzanio, Flago-de-Ugando.svg Ugando
AT0110 Orient-kongaj marĉarbaroj Flago-de-Kongo-Kinŝasa.svg Demokratia Respubliko Kongo
AT0111 Orient-gvineaj arbaroj Flago-de-Benino.svg Benino, Flago-de-Ebur-Bordo.svg Ebura Bordo, Flago-de-Ganao.svg Ganao, Flago-de-Togolando.svg Togolando
AT0113 Granit-sejŝelaj tropikaj humidaj arbaroj Flago-de-Sejŝeloj.svg Sejŝeloj
AT0114 Gvineaj montarbaroj Flago-de-Ebur-Bordo.svg Ebura Bordo, Flago-de-Gvineo.svg Gvineo, Flago-de-Liberio.svg Liberio, Flag of Sierra Leone.svg Sieraleono
AT0115 Knajsnaj-amatolaj montarbaroj Flago-de-Sudafriko.svg Sud-Afriko
AT0116 Kvazulanda-Kablanda arbara mozaiko Flago-de-Sudafriko.svg Sud-Afriko
AT0117 Madagaskaraj malaltaĵaj arbaroj Flago-de-Madagaskaro.svg Madagaskaro
AT0118 Madagaskaraj subhumidaj arbaroj Flago-de-Madagaskaro.svg Madagaskaro
AT0120 Maskarenaj arbaroj Flago-de-Francio.svg Francio, Flago-de-Maŭricio.svg Maŭricio
AT0121 Monto-kamerunaj kaj biokaj montarbaroj Flago-de-Ekvatora-Gvineo.svg Ekvatora Gvineo, Flago-de-Kameruno.svg Kameruno
AT0124 Nordorient-kongaj malaltaĵaj arbaroj Flago-de-la-Centr-Afrika-Respubliko.svg Centr-Afrika Respubliko, Flago-de-Kongo-Kinŝasa.svg Demokratia Respubliko Kongo
AT0125 Norda zanzibara-inhambana marborda arbarmozaiko Flago-de-Kenjo.svg Kenjo, Flago-de-Somalio.svg Somalio, Flago-de-Tanzanio.svg Tanzanio
AT0126 Nordokcident-kongaj malaltaĵaj arbaroj Flago-de-la-Centr-Afrika-Respubliko.svg Centr-Afrika Respubliko, Flago-de-Gabono.svg Gabono, Flago-de-Kameruno.svg Kameruno, Flago-de-Kongo-Brazavila.svg Respubliko Kongo
AT0128 Suda zanzibara-inhambana marborda arbarmozaiko Flago-de-Malavio.svg Malavio, Flago-de-Mozambiko.svg Mozambiko, Flago-de-Tanzanio.svg Tanzanio, Flago-de-Zimbabvo.svg Zimbabvo
AT0129 Okcident-kongaj marĉarbaroj Flago-de-Kongo-Brazavila.svg Respubliko Kongo, Flago-de-Kongo-Kinŝasa.svg Demokratia Respubliko Kongo
AT0130 Okcident-gvineaj malaltaĵaj arbaroj Flago-de-Ebur-Bordo.svg Ebura Bordo, Flago-de-Liberio.svg Liberio, Flago-de-Gvineo.svg Gvineo, Flag of Sierra Leone.svg Sieraleono

Eksteraj ligiloj[redakti | redakti fonton]