Sahela savano de akacioj

El Vikipedio, la libera enciklopedio
Jump to navigation Jump to search
Situo de la ekoregiono
Situo de la tropikaj kaj subtropikaj herbejoj, savanoj kaj arbedaroj en la mondo.

La sahela savano de akacioj estas tersupraĵa ekoregiono el la sahela-sudana ekoprovinco de la afrotropisa ekozono, laŭ la tipologio de la Monda Natur-Fonduso (WWF). Biome la ekoregiono apartenas al tropikaj kaj subtropikaj herbejoj, savanoj kaj arbedaroj. Ĝi etendiĝas en la nordo de Afriko laŭ kontinua zono ekde la Atlantika Oceano ĝis la Ruĝa Maro, tra Maŭritanio, Senegalo, Malio, Burkino, Niĝero, Niĝerio, Kameruno, Ĉado, Centr-Afrika Respubliko, Sudano, Eritreo kaj Etiopujo. Ĝi proksimume kongruas kun la geografia regiono nomata Sahelo, ekskluzive de la plej gravaj humidaj kaj montecaj areoj. La ekoregiono situas inter la Saharo norde, kaj la sudanaj savanoj sude.

Priskribo[redakti | redakti fonton]

Tiu savana ekoregiono okupas areon de 3 053 200 kvadratajn kilometrojn en la nordo de Senegalo, la sudo de Maŭritanio, la centro de Malio, la nordo de Burkino, la centro de Niĝero, la nordoriento de Niĝerio, la nordo de Kameruno, la centro de Ĉado kaj de Sudano, la okcidento de Eritreo kaj la nordokcidento de Etiopujo.

La ekoregiono norde limtuŝas la sud-saharajn stepon kaj duonarbarojn kaj diversajn enklavojn de la nord-saharaj stepo kaj duonarbaroj, nordoriente la atlantikan marbordan dezerton kaj la nord-saharajn stepon kaj duonarbarojn, nordoriente la marborda dezerto de Ruĝa Maro, sudokcidente la okcident-sudanan savanon, sude la mozaikon de la arbedaro de Mandara, sudoriente la orient-Sudanan savanon, kaj la saharajn inunditajn herberjojn, kaj oriente la etiopan montarbaron, la somalan arbedan savanon kaj la etiopajn kserofitajn herbejojn kaj arbustarojn. Plie, ampleksas ene de si la orient-saharajn montar-kserofitarajn duonarbarojn, la plej gravan areon de la inundataj savanoj de Lago Ĉado kaj grandan parton de la inundataj savanoj de la landinterna delto de la Nigero-Bani.

Savano en ekstreme norda Kameruno.
Akacia savano apud Timbuktuo en Malio.

Temas pri ebenaĵo kun altitudo inter 200 kaj 400 metroj. La klimato estas tropika, varmega kaj kun grandaj sezonaj variadoj. La temperaturoj balanciĝas inter 18º kaj 36 °C. La precipitaĵo varias inter 600 mm sude kaj 200 mm norde. La pluva sezono okazas de majo ĝis septembro; dum la seka sezono la arboj faligas siajn foliojn kaj la herbeja vegetaĵaro sekiĝas.

Vintre, la seka kaj varmega vento, nomata harmatano, alportas sablon el Saharo.

Flaŭro[redakti | redakti fonton]

Fitogeografie, Sahelo estas aparta flaŭra provinco el la Sudano-Zambezia Regiono de la Paleotropika Regno (vidu : Flaŭra regno).

La superreganta vegetaĵaro estas la arba savano. La plej komuna arbospecio estas akacio : Acacia tortilis.

Faŭno[redakti | redakti fonton]

La faŭno de la ekoregiono estas malriĉa; la grandaj mamuloj estas dekumataj kaŭze de la nepripensita ĉasado.

Endemiismoj[redakti | redakti fonton]

Estas sciataj diversaj endemiaj specioj de ronĝuloj de la subfamilio de Dipodinae : Gerbillus bottai, Gerbillus muriculus, Gerbillus nancillus, Gerbillus stigmonyx, Taterillus petteri kaj Taterillus pygargus, la rato Lemniscomys hoogstraali kaj la kiroptero Eptesicus floweri.

Du birdoj estas endemiaj : la rustalaŭdo (Mirafra rufa, alaŭdedoj) kaj la punktita saknestulo (Anthoscopus punctifrons , remizedoj). Kiel kvazaŭ endemia ankaŭ estas konsiderenda la afrika turto (Streptopelia roseogrisea, kolombedoj)

Ankaŭ ĉeestas dek endemiaj specioj de reptilioj.

La nombro de plantaj endemiismoj superas tiun de la bestaj.

Minacoj kaj konservado[redakti | redakti fonton]

La stato de la ekoregiono estas vundebla. La ampleksa ĉasado, la agrikulturo, la arbohakado kaj la incendioj estas la ĉefaj minacoj. Nur 5% de la ekoregiono estas protektata.

Vidu ankaŭ[redakti | redakti fonton]


Afrotropisaj tropikaj kaj subtropikaj herbejoj, savanoj kaj arbedaroj
AT0701 Angolaj mjombaroj Flago-de-Angolo.svg Angolo, Flago-de-Kongo-Kinŝasa.svg Demokratia Respubliko Kongo
AT0702 Angolaj mopanearoj Flago-de-Angolo.svg Angolo, Flago-de-Namibio.svg Namibio
AT0704 Centra-zambezaj mjombaroj Flago-de-Burundo.svg Burundo, Flago-de-Kongo-Kinŝasa.svg Demokratia Respubliko Kongo, Flago-de-Malavio.svg Malavio, Flago-de-Tanzanio.svg Tanzanio, Flago-de-Zambio.svg Zambio
AT0705 Orient-sudana savano Flago-de-la-Centr-Afrika-Respubliko.svg Centr-Afrika Respubliko, Flago-de-Ĉado.svg Ĉado, Flago-de-Eritreo.svg Eritreo, Flago-de-Etiopio.svg Etiopio, Flago-de-Kameruno.svg Kameruno, Flago-de-Kongo-Kinŝasa.svg Demokratia Respubliko Kongo, Flago-de-Sudano.svg Sudano, Flago-de-Sud-Sudano.svg Sud-Sudano, Flago-de-Ugando.svg Ugando
AT0706 Orientaj mjombaroj Flago-de-Mozambiko.svg Mozambiko, Flago-de-Tanzanio.svg Tanzanio
AT0707 Gvinea arbara-savana mozaiko Flago-de-Benino.svg Benino, Flago-de-Kameruno.svg Kameruno, Flago-de-Ebur-Bordo.svg Ebura Bordo, Flago-de-Gambio.svg Gambio, Flago-de-Ganao.svg Ganao, Flago-de-Gvineo.svg Gvineo, Flago-de-Gvineo-Bisaŭa.svg Gvineo Bisaŭa, Flago-de-Niĝerio.svg Niĝerio, Flago-de-Senegalo.svg Senegalo, Flag of Sierra Leone.svg Sieraleono, Flago-de-Togolando.svg Togolando
AT0708 Itigiaj-sumbuaj densaĵoj Flago-de-Kongo-Kinŝasa.svg Demokratia Respubliko Kongo, Flago-de-Tanzanio.svg Tanzanio, Flago-de-Zambio.svg Zambio
AT0712 Nord-konga arbara-savana mozaiko Flago-de-la-Centr-Afrika-Respubliko.svg Centr-Afrika Respubliko, Flago-de-Kameruno.svg Kameruno, Flago-de-Kongo-Kinŝasa.svg Demokratia Respubliko Kongo, Flago-de-Sud-Sudano.svg Sud-Sudano, Flago-de-Ugando.svg Ugando
AT0713 Sahela savano de akacioj Flago-de-Burkino.svg Burkino, Flago-de-Kameruno.svg Kameruno, Flago-de-Ĉado.svg Ĉado, Flago-de-Eritreo.svg Eritreo, Flago-de-Etiopio.svg Etiopio, Flago-de-Malio.svg Malio, Maŭritanio Maŭritanio, Flago-de-Niĝero.svg Niĝero, Flago-de-Niĝerio.svg Niĝerio, Flago-de-Senegalo.svg Senegalo, Flago-de-Sudano.svg Sudano
AT0718 Sud-konga arbara-savana mozaiko Flago-de-Angolo.svg Angolo, Flago-de-Kongo-Kinŝasa.svg Demokratia Respubliko Kongo
AT0721 Viktori-basena arbara-savana mozaiko Flago-de-Burundo.svg Burundo, Flago-de-Etiopio.svg Etiopio, Flago-de-Kenjo.svg Kenjo, Flago-de-Kongo-Kinŝasa.svg Demokratia Respubliko Kongo, Flago-de-Ruando.svg Ruando, Flago-de-Tanzanio.svg Tanzanio, Flago-de-Ugando.svg Ugando
AT0722 Okcident-sudana savano Flago-de-Benino.svg Benino, Flago-de-Burkino.svg Burkino, Flago-de-Ebur-Bordo.svg Ebura Bordo, Flago-de-Gambio.svg Gambio, Flago-de-Ganao.svg Ganao, Flago-de-Gvineo.svg Gvineo, Flago-de-Malio.svg Malio, Flago-de-Niĝero.svg Niĝero, Flago-de-Niĝerio.svg Niĝerio, Flago-de-Senegalo.svg Senegalo, Flago-de-Togolando.svg Togolando
AT0723 Okcident-konga arbara-savana mozaiko Flago-de-Angolo.svg Angolo, Flago-de-Gabono.svg Gabono, Flago-de-Kongo-Brazavila.svg Respubliko Kongo, Flago-de-Kongo-Kinŝasa.svg Demokratia Respubliko Kongo

Eksteraj ligiloj[redakti | redakti fonton]