Carl David Anderson

El Vikipedio, la libera enciklopedio
Saltu al: navigado, serĉo
Carl David Anderson

Carl David ANDERSON (3-an de septembro 1905, Novjorko, Usono11-an de junio 1991, San Marino, Kalifornio) estis usona fizikisto, kiu ricevis Nobel-premion pri fiziko en 1936 - dividante kun la aŭstra Victor Francis Hess – pro malkovro de la pozitrono.

Anderson akiris gradon de Ph. D. en Pasadena, en California Institute of Technology kaj laboris tie dum sia tuta labora vivo. Li iĝis en 1976 emerita profesoro.

Li okupiĝis ekde 1927 pri fotoelektronoj, estigitaj de rentgenaj radioj. Li komencis en 1930 ekzamenon de la gama-radioado kaj kosma radiado, per nebulkamero lokigita en magnetan kampon. Li malkovris la pozitronon en 1932 dum studado de la rilatoj de la kosma radiado. Unu jaron poste. Li mem produktis la novan korpusklon per gama-radiado. Li partoprenis en 1936 en malkovro de la muono (pezas 207-oble ol elektrono).