Louis de Broglie

El Vikipedio, la libera enciklopedio
Saltu al: navigado, serĉo
Louis de Broglie

Louis DE BROGLIE (15-an de aŭgusto 1892, Dieppe, Francio19-an de marto 1987, Parizo) estis franca fizikisto. Li estas konata ĉefe pro sia kvantumteoria laboro kaj pri malkovro de la ondospecifeco de la elektronoj. Li estis Nobel-premiita pri fiziko en 1929.

Broglie estis dua filo de franca aristokrata familio. La familio portas nomon de normandia urbeto kaj el la familio aperis ekde la 17-a jc. altrangaj oficiroj, politikistoj kaj diplomatoj.

Li rompis la familian tradicion, kiam li ekokupiĝis pri la scienco je efiko de sia pli maljuna frato, kiu estis fizikisto kaj havis bone ekipitan laboratorion en pariza palaco de la familio.

Li studis teorian fizikon en Sorbonne, sed diplomiĝis ankaŭ pri historio en 1909. Louis de Broglie soldatervis dum la unua mondmilito en radiostacio lokita en la Eiffel-turo.

Broglie en 1924 – en doktoriĝa laboro – disvolvis la revolucian teorion pri la elektronondoj, ke la materio havas ondan proprecon en atoma grando. Tiu penso baziĝis sur 20-jara propono de Albert Einstein.

Post la doktoriĝo, Broglie plulaboris en la Sorbonne, en 1928 iĝis profesoro pri la toria fiziko en la Instituto Henri Poincaré, kie li instruis ĝis 1962. Li agadis post 1945 ankaŭ kiel konsilisto de la Franca Atomenergia Instanco.

vidu ankaŭ[redakti | redakti fonton]