Niels Bohr
El Vikipedio
| Niels Henrik David Bohr | ||
|---|---|---|
 |
||
| Persona informo | ||
| Nomo | Niels Henrik David Bohr | |
| Dato de naskiĝo | 7-a de oktobro 1885 | |
| Loko de naskiĝo | Kopenhago | |
| Dato de morto | 18-a de novembro 1962 | |
| Loko de morto | Kopenhago | |
| Okupo | ||
| Aĝo je morto | 77 | |
Niels Henrik David Bohr (naskiĝis la 7-an de oktobro 1885 en Kopenhago, mortis la 18-an de novembro 1962 en Kopenhago) estis dana fizikisto kaj nobelpremiito.
Li ekde 1903 studis fizikon en sia hejmurbo. En la jaro 1911 li doktoriĝis, poste li laboris en la laboratorio Cavendish en Kembriĝo kaj ekde 1913 ĉe Ernest Rutherford en Manchester. En 1916 li fariĝis profesoro en Kopenhago.
Lia plej granda merito estas la laŭ li nomata atommodelo, kiun li evoluigis surbaze de la kvantumteorio de Max Planck. En la jaro 1922 li gajnis la Premion Nobel de Fiziko pro siaj meritoj en la esploro de la strukturo de la atomo kaj la radiado eliranta el ĝi“.
En la jaro 1943 li fuĝis de la germanaj nazioj, kiuj okupis Danion, unue al Svedio, poste tra Britio al Usono, kie li kontribuis al la evoluigo de la atombombo. En 1945 li revenis al Danio kaj fariĝis fervora kontraŭulo de la uzo de nukleaj armiloj.
Niels Bohr mortis en 1962. El liaj ses filoj unu (Aage Niels Bohr) mem fariĝis tre sukcesa fizikisto: En la jaro 1975 li gajnis la Premion Nobel de Fiziko.
[redakti] Vidu ankaŭ jenon:
