Hódmezővásárhely

Hódmezővásárhely (hOdmezOvAŝArhej) estas urbo kun titolo vinvilaĝo en Hungario, en regiono Suda Ebenaĵo, en departemento Csongrád, havanta departementrajton, en subregiono Hódmezővásárhely, kies centro estas. La nomo signifas kastoro-kampo-bazarejo.

Bazaj informoj

• Areo: 483 km²
• Loĝantaro: 47480
• Poŝtkodo: 6800
• Telefonprefikso: 62

Urbodomo de Hódmezővásárhely

Kalvinana preĝejo de Hódmezővásárhely

Urbodomo de Hódmezővásárhely

Hotelo "Nigra Aglo"

Situo

La urbo situas sur ebenaĵo, laŭ ĉefvojo kaj fervojo Szeged-Békéscsaba. Ĝi estas la dua plej granda - laŭ loĝantaro- urbo de la departemento kaj la dua plej granda urbo de Hungario laŭ areo.

Historio

La urbo estiĝis en la 15-a jarcento per kunfandiĝo de la vilaĝoj Hód, Vásárhely, Ábrány kaj Tarján. Oni nomis la urbon tiutempe Hódvásárhely. Ĝi ricevis en 1456 rango de kampurbo fare de HUNYADI János, kiu estis siatempe guberniestro kaj samtempe grandbienulo de la ĉirkaŭaĵo.

En 1552, la urbon okupis la turkoj kaj restis tie ĝis 1693.

Post liberecbatalo de Francisko Rákóczi la 2-a la urbo venis en posedaĵon de familio Károlyi [kAroji]. En 1890 ĝi estis jam la 4-a plej loĝata urbo de Hungario, sed la senlaboreco pli kaj pli akriĝis kaj okazis en 1894 kamparana ribelo sub gvido de János Szántó Kovács. En 1950 estraro de la urba kooperativo ricevis premion Kossuth.

Inter 1950-1961 ĝi estis departementejo de Csongrád.

Esperanto

Somere de 1979 okazis en Hódmezővásárhely la 2-a Internacia Medicina Esperanto-Konferenco kaj la 1-a Renkontiĝo de Esperantistaj Familioj. Nuntempe estas delegito de UEA tie.

Esperantistoj

• János Medgyesi.

Vidindaĵoj

• Urbodomo (en romantika stilo, planita far YBL Miklós)
• hotelo Fekete Sas (Nigra Aglo)
• Károlyi-domo
• Sinagogo (Hódmezővásárhely) (maŭra stilo)
• Agrara muzeo
• Bakay-puto (unua arteza puto de la Granda Hungara Ebenaĵo)
• Muzeo János Tornyai,
• memordomo de László Németh,
• Artmetia komunejo,
• Kalvinana malnova preĝejo (Hódmezővásárhely)
• Kalvinana nova preĝejo (Hódmezővásárhely) (en baroka stilo)
• preĝeja ruino de Csomorkány (13-a - 14. jc.)
• Mártély (vilaĝo kaj ripozejo)
  • Blazona memorparko
  • Medioprotektejo Mártély
  • Lerneja muzeo

Famuloj

• en Hódmezővásárhely naskiĝis kaj mortis:
  • pentristo János Tornyai
• en Hódmezővásárhely naskiĝis:
  • aktorino Violetta Ferrari kaj aktoro Samu Szabó
  • biokemiisto Ilona Banga
  • fizikisto József Gyulai
  • historiisto Gábor Gyáni
  • lingvisto János Harmatta
  • operokantisto Róbert Ilosfalvy
  • pentristo István Kurucz D.
• en Hódmezővásárhely mortis:
  • Sándor Imre (lingvisto)

Ĝemelurboj

• Baja, Hungario
• Vidin, Bulgario
• Arad, Rumanio
• Baia Mare, Rumanio
• Haarlemmermeer, Nederlando
• Hechingen, Germanio
• Kelmė, Litovio
• Senta, Serbio
• Sokobanja, Serbio
• Solotvino, Ukrainio
• Tamar, Israelo
• Vallauris, Francio
• Zgierz, Pollando

Komunumoj pri hód (=kastoro) en Hungara reĝlando

Csékehódos	Hegyháthodász	Hodász	Hódegyháza	Hódmezővásárhely	Jákóhodos
Káptalanhodos	Kishódos	Krassóhódos	Nagyhódos	Nemeshodos	Óhodász
Örihodos	Temeshódos	Városhodász	Zarándhódos

Komunumoj pri "vásárhely" (=bazarejo) en Hungara reĝlando

Drávavásárhely	Hódmezővásárhely	Gyerővásárhely	Kézdivásárhely	Kisvásárhely
Marosvásárhely	Somlóvásárhely	Torontálvásárhely	Vásárhely

Eksteraj ligiloj

    http://hodmezovasarhely.lap.hu

    http://www.bacskiskun.hu/borgaszt/magyar/csongrad/hodmezovasarhelyi/latnivalok.htm

• Oficiala paĝo
• [1]