Tutmonda varmiĝo
El Vikipedio
La termino tutmonda varmiĝo priskribas plialtiĝon de la meza temperaturo de la atmosfero kaj oceanoj de la tero.
Enhavo |
[redakti] Pri
Nuntempe okazas tutmonda varmiĝo. Ekzemple, en la lastaj tridek jaroj la averaĝa temperaturo sur la tergloba surfaco altiĝis je 0,5°C. La plej multaj sciencistoj kredas, ke la homo kaŭzis tion per sia emisiigo de metano, karbona dioksido, kaj aliaj forcejaj gasoj ekde la industriiĝo; sed restas kelkaj sciencistoj, kiuj dubas tion.
La natura forceja efiko varmigas la teron je 30°C. Laŭ teorio, se oni pliigas karbonan dioksidon en la atmosfero, kun neniaj aliaj ŝanĝoj, la surfaco de planedo varmiĝos; la demando estas: kiom?
La scienca opinio de klimatŝanĝo, kiel esprimita de Interregistara Komitato de la UN pri Klimata Ŝanĝo kaj specife subtenata de la naciaj sciencaj akademioj de la G8 nacioj, estas ke la averaĝa tutmonda temperaturo estas altiĝita 0.6 ± 0.2 °C de la frua 20-a jarcento, kaj plej "multe el la varmiĝo observata dum la lastaj 50 jaroj estas atribuebla al homaj agadoj". Malgranda malplimulto da kvalifikitaj sciencistoj kontestas la vidpunkton, ke la agoj de homaro grave rolas en la lastatempa temperaturo-ŝanĝo. Malcertaĵoj ekzistas pri kiom da klimatŝanĝo oni observos en la estonteco. Konflikta kaj publika debato ekzistas pri kion fari (se ion) pro tutmonda varmiĝo.
[redakti] Konsekvencoj
Se la niveloj de oceanoj kaj maroj plialtiĝos pro tutmonda varmiĝo, tiam iuj insuloj kaj kontinentaj marbordoj subakviĝos, kaj sekve multaj homoj migros.
Pri la aktualaj marfluoj, de kiuj tre dependas multaj regionaj klimatoj, estas neniu certeco ke ili ne estas jam ekŝanĝiĝantaj kaj trajektorie kaj temperature. Tiaj ŝanĝoj povus kaŭzi estontece novajn klimatojn en kelkaj regionoj de la terglobo. La klimataj ŝanĝoj en tiuj regionoj kaŭzos perturbon en la ekologia sistemo, kaj al ĉiuj estaĵoj tie vivantaj.
[redakti] Ankaŭ vidu
[redakti] Eksteraj ligoj
![[1]](http://eo.wikipedia.org/wiki/Dosiero:Instrumental_Temperature_Record.png){kind=link}