Suledoj
 |
||||||||||
|---|---|---|---|---|---|---|---|---|---|---|
 |
||||||||||
| Biologia klasado | ||||||||||
|
||||||||||
|
|
||||||||||
Por prahistoriaj genroj vidu la tekston. |
||||||||||
|
|
||||||||||
|
Pseudosulidae |
||||||||||
Suledoj estas marbirda familio de la ordo de pelikanoformaj birdoj, kiuj kaptas fiŝojn ĉefe per dealta plonĝado.
Enhavo |
[redakti] Specioj
Temas pri dek specioj klasitaj en tri genroj: Papasula, Sula kaj Morus. Tamen kelkaj fakuloj lokigas ĉiujn en sama genro Sula.
Tiuj nomitaj Morus estas konataj propre kiel Suloj (angle “gannet”). Tiuj nomitaj ĉu Sula ĉu Papasula estas konataj kiel Naivuloj, Stultuloj aŭ Naivaj suloj (angle “booby”, hispane “piquero”).
[redakti] Aspekto
Ili havas longajn kaj pintajn bekojn, fortikajn kolojn kaj mallongajn krurojn kun membranretaj fingroj. Plejparto estas blankaj kun nigraj partoj en flugiloj, kiuj estas longaj kaj pintaj ĝis enverguro de 1’4 ĝis 1’8 mj.
[redakti] Vivo
Ili povas vivi ĝis 25 jaroj.
Ili manĝas fiŝojn (aŭ kalamarojn) kiujn kaptas per dealte plonĝado (ĝis ekde 90 mj.) per flugiloj malantaŭen falditaj. Ili povas fiŝkapti ĝis 9 mj. Multaj specoj uzas siajn koloregajn (kaj mallongajn) krurojn kiel allogaĵo por pariĝado. Partneroj estas monogamiaj kaj dumvivaj. Ili kutime bredas kolonie kaj manĝas arece.
[redakti] Kutimoj
La nupta ceremonio por pariĝado vere estas tre prilaborita kaj mirinda. Oni longigas kolon kaj voston alĉielen, oni “jesas” kaj “neas” perkape kaj oni piediras ceremoniege kaj lantmove, dum oni montras la kolorajn krurojn kaj oni donacas al ino eretojn kiel ŝtonetojn, plumojn, ktp.
Idoj, kiel tiuj de aliaj birdoj, mortigas gefratojn por ke gepatroj nur unu idon prizorgu kaj oni certigu pri ties bredado. Do, la plej aĝa ido mortigas la aliajn aŭ forĵetas ilin de la nesto kaj ĉu estas manĝitaj de aliaj ĉu mortiĝas pro malsatego.
